TLAHHOÓ LAÁWI 23:2 - Biblía Axweesantá Hhohho' ar Mungú 2004

² «Xoorór Israeli kabeeto, deeloorí an deelór uren ar AAKOÓ MUNGÚ, tidá' taa qoomeés, dinku'uumár hhoohhoo' an tlehhá'. Deelór ur ar naa qoomeés an tí:

TLAHHOÓ LAÁWI 23:2 Iomraidhean Croise

2 WAAWITÁ 10:20

Yehu hara'aya gari oó', iwa kaahi, «Dinku'uumár Ba'ali kuwa sluufmiisi ateetare'!» Adoodá' kari tleéhh.

1 QOM'I 23:31

Qoomár deelór Sabaátoro nee deelór slahhángw /abén nee deelór hatlá' ar urene ilahhooár da/a kawa hanmiís dír AAKOÓ MUNGÚ. Dabe kana qaás adoodá' múk Laáwi faaror'ín i diri'. Múk Laáwi gadiyér'ín tí kan tlehhiit dír geeraá AAKOÓ MUNGÚ wa ale umuú daqto.

2 QOM'I 2:3

Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 30:5

Gawaá adoorihe afo ngiri ilahaniisiyé' baraá yaamaá Israeli sleémeero, iimír Be'er-shebár wa tleemu ay Dani, as muu iwa burumburiiti baraá Yerusalemu, as deelór ur ar Pasaáka ar AAKOÓ MUNGÚ, Munguú múk Israeli, kawa tleehhi. Asma qoomár yaariir aa waaráhh ar deeloorír Pasaáka kawa tleehhiiká adoodá' dabeerós iwa hariin.

ESRA 3:5

Nee alaá adoorihe tana kumiít ilahhooár da/a hanmisuuwo, nee ilahhooár da/a as slahhángw /abén birna ti'iít, nee as ilahhooár umuúqo deelór ur ar AAKOÓ MUNGÚ tidá' tinda oó'. Nee slám ilahhooár da/a kana haniís as umuúqo heewo oo AAKOÓ MUNGÚ ngwa ilahhooár sla'aarír i haniis.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

TI'INAANGW 32:5

Qoomár Aroni adoorí ngiwa ár, kitángw ilahhooa guri dír geeraadá' i tleéhh, kaangwí guri ilahaniís iri oó', «Matlo a deelór ur as AAKOÓ MUNGÚ.»

ISAYA 33:20

Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

ESEKIELI 44:24

Barnaxes gila i dayá', inooín kin har'oh ar adór daber'eé'. Inooín hara'ayar'eé' nee kaahir'eene ngi amohhe'eesiyá' ar deeloodá' urén sleémeero ngiwa harmagaahhiyá' nee Sabaátor'eé' kawa hhoohhoeesi.

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

Yoeli 2:15

Gimsé', tarumbeéta ufaahhaak gawaá tloomár Siyoniro, muu ádbawaak i gwaawin. Dinku'uumár saaliingw ateetaak.

TLAHHOÓ LAÁWI 23:1

AAKOÓ MUNGÚ Mose guri báy,

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 23:37

«Deeloosíng an deelór uren ar AAKOÓ MUNGÚ ar taa qoomeés nee as kaangw kuwa ilahanisa' as dinku'uumár hhoohhoo' kawa tlehha', ar AAKOÓ MUNGÚ kuwa ilahhooár dá/tí hanmisa', nee ar bu'uungo, nee ilahhooár muruú ta tsu/i, nee ar wahaango. Ilahhooarí sleémeero kan daa/, umuúqo ilahhooaro nee baalaarós.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

TLAHHOÓ LAÁWI 23:44

Mose xoorór Israeli gari xu'utís deelór uren ar AAKOÓ MUNGÚ ar taa qoomeesi.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

FAARO 29:39

«Ilahhooarí sleémeero an hanisá' dír AAKOÓ MUNGÚ baraá deelorhúng tidá' uren taa hara'ayini. Dinkwa nee tihe ilahhooarhúng tidár al'axweesanto, nee ilahhooarhúng tidár sla'aariro, nee ilahhooarhúng tidár muruú da/a, nee ilahhooarhúng tidár balaango, nee ilahhooarhúng tidár muruú wahaango, nee ilahhooarhúng tidár wayduwo, ma mawaar.»

Yohana 5:1

Aluudae deelór ur ar múk Yahudi nay hardát. Yesu sleeme iri tsa/án ay Yerusalemu.

Kolosai 2:1

Gár ni slaa' masók kuungá' an tsahhá' adór aníng nir daawiimiit as kuungá', nee as múk yaamaá Laodikia, nee as kudá' hatlá' sleémeero awa aníng iga ari'iiká.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.