TLAHHOÓ LAÁWI 23:1 - Biblía Axweesantá Hhohho' ar Mungú 2004

¹ AAKOÓ MUNGÚ Mose guri báy,

TLAHHOÓ LAÁWI 23:1 Iomraidhean Croise

1 QOM'I 23:31

Qoomár deelór Sabaátoro nee deelór slahhángw /abén nee deelór hatlá' ar urene ilahhooár da/a kawa hanmiís dír AAKOÓ MUNGÚ. Dabe kana qaás adoodá' múk Laáwi faaror'ín i diri'. Múk Laáwi gadiyér'ín tí kan tlehhiit dír geeraá AAKOÓ MUNGÚ wa ale umuú daqto.

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

ESEKIELI 44:24

Barnaxes gila i dayá', inooín kin har'oh ar adór daber'eé'. Inooín hara'ayar'eé' nee kaahir'eene ngi amohhe'eesiyá' ar deeloodá' urén sleémeero ngiwa harmagaahhiyá' nee Sabaátor'eé' kawa hhoohhoeesi.

ESEKIELI 45:17

A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»

ESEKIELI 46:11

Qoomár deelór ure nee deeloodá' taa qaás as firo, ilahhooár balaangw a kílo mibaá nee faanqw tin alkoná' nee umuú awuuwo laqaá gwaanda, nee heé naa sluufmisuú ay tidá' haniisaro i aleeslaya' dinkwa nee umuúqo deelmoó bee/iro. Umuú ilahhooár balaango i hariín kawa liíta tám alhaniisi ar di/i.

TLAHHOÓ LAÁWI 22:33

Aníng an kudá' kuungá' naa baraá yaamaá Misrír wa duux, as niwa Munguúhúng tleehhiit. Aníng an AAKOÓ MUNGÚ.»

TLAHHOÓ LAÁWI 23:2

«Xoorór Israeli kabeeto, deeloorí an deelór uren ar AAKOÓ MUNGÚ, tidá' taa qoomeés, dinku'uumár hhoohhoo' an tlehhá'. Deelór ur ar naa qoomeés an tí:

TLAHHOÓ LAÁWI 23:44

Mose xoorór Israeli gari xu'utís deelór uren ar AAKOÓ MUNGÚ ar taa qoomeesi.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

Galatia 4:10

Kuungá' kángw deelo nee slahheeri un ló' wa eeharahadá', nee qooma nee kureeri sleeme.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.