TLAHHOÓ LAÁWI 22:9 - Biblía Axweesantá Hhohho' ar Mungú 2004

⁹ «Kaahamuusér Mungú gár kawa hariím a hara'ayar'eé' ngin oohiyá', as kahhó' tlakweema mingiwa tleehhiyé' nee kiri didá' hhoohhoóí tsuu/. Aníng a AAKOÓ MUNGÚ, kudá' inooín gaa paraatl.

TLAHHOÓ LAÁWI 22:9 Iomraidhean Croise

TI'INAANGW 28:43

Suruwánaywí Aroni nee daaqaywose ngun dahamiisiyá' umuúqo barni baraá heémár Mungú kayá', laqaá barta dír kitángw ilahhooa káy, as gadiyér'ín ar kaahamuusi'iima ngiwa tleehhiya'. Adoorí birnga tleehhi'iiká, tlakweema ngaa tleehhiyé' nee nin qatliyá'. Dakwí i warqayká dír Aroni nee daaqaywose ay kureér.»

TLAHHOÓ LAÁWI 16:13

Inós mooyangwdá' ngun huuw dír geeraá AAKOÓ MUNGÚ, guri baraá ásltí qaas, nee quuír mooyangwdá' kitangwduú gurtleemu, kuduú gawaá sandakmoó alqado, guri tuuntúk. Adoorí ngi tleehhi as kahhó' miwa gwaá'.

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

TLAHHOÓ LAÁWI 22:16

Xoorór Israeli mingiwa baraá dakuúsar'ín i dahaás as muruú /aymár hhohhó' nguwa /ayiyé', sakwasleemár hariím as dakuúsar'ín nee tlakweemaaín ngiri slayá'. Aníng a AAKOÓ MUNGÚ kudá' muruusíng gwaa paraatl.»

FAARO 18:22

Ala iimír hamí daxta, múk hatlá' oo Israeli miwa tseewúy dír heémár Mungú, tlakweema ngiri tleehhiyá' nee niri qatliyá'.

FAARO 18:32

Kuungá' dakuúsár ta koonda' i káhh bar muruuwí ugwa /agé', barnaxes kuungá' AAKOÓ MUNGÚ ugwa didá' ló'wa hhoó í hanisé'. Ala kuungá' muruú hhohhó' oo múk Israeli mu meetagaasara', tari qatlá'.»

Matayo 23:17

Kuungá' a daktana nee a taampu. Asma gár ak ur a gaalá? A sahaábudáe, laqaá a Doó Mungú oo sahaábudá' gu hheehhe'eemiís?

DABE 11:1

«Gawaá adoorihe AAKOÓ MUNGÚ, Munguúhúng sla'aak, nee alqaduuwós oohaak umuú deelooro, nee hara'ayarose harmagahhaak, nee kaahirose nee dabeerose.