TLAHHOÓ LAÁWI 22:3 - Biblía Axweesantá Hhohho' ar Mungú 2004

³ Inooín kaangwí baweek, barnaxes heé wák baraá xwaylarhúng sleémeero oo meetaá koóm, aa tseewúy dír muruudá' hhohhó', kudá' xoorór Israeli aa parátl as anuú AAKOÓ MUNGÚ, heedaádá' dir'eene kun baynitis. Aníng an AAKOÓ MUNGÚ.

TLAHHOÓ LAÁWI 22:3 Iomraidhean Croise

ESRA 8:28

Aníng inooín ngiri báw, «Kuungá' tunda paraátl as AAKOÓ MUNGÚ nee xooslaarihe. Peésaarí nee sahaábuwo a muruú tinda haniís ar sla'aari as AAKOÓ MUNGÚ, Munguú baabi'iihúng.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TLAHHOÓ LAÁWI 22:2

«Aroni nee daaqaywós kuduú kaahamuusér Mungú ádbaweek, mura' sleémeero oo xoorór Israeli aa parátl ku ilaiwawa/i, as umuueé' kudá' hhoohhoó' mukuwa /ooslín. Aníng a AAKOÓ MUNGÚ.

FAARO 19:13

Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.