TLAHHOÓ LAÁWI 22:10 - Biblía Axweesantá Hhohho' ar Mungú 2004

¹⁰ «Heé kaahamusmoowooká i ya/aandaaká muruú /aymár hhohhó' nguwa /ayi, tam dahaaymoó doó kaahamusmo, laqaá sagadiyusmoó do'ose i bu'un.

TLAHHOÓ LAÁWI 22:10 Iomraidhean Croise

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

TI'INAANGW 12:43

AAKOÓ MUNGÚ Mose nee Aroni giri báy, «Dabér Pasaáka a tí: Hoomo muruú /aymár Pasaáka munguwa /aáy lo'.

TI'INAANGW 12:45

Ala aausmo laqaá heé ta bu'un oo do'ók wa gadiyuús, munguwa /aáy.

TI'INAANGW 29:33

Inooín muruudá' sleémeero kira paraátl nee kira baraá gadiyeédí qaás ngu /ayiye', ala heé hatlá' mingiwa /aáy, asma kaa paraátl as AAKOÓ MUNGÚ.

ESEKIELI 44:8

Kitángw geera kuungá' gadiyér'eé' tidá' hhohho' kawa tlehha', múk xoordaá hatlá' gadiyeédá' gana tleéhh didár hotaaeé' wa ale.›

TLAHHOÓ LAÁWI 21:22

Heewí muruudá' ló'wa hhohhó' oo taa duúx Mungú wa ale ngu /ayi, nee kudá' hhohhoe.

TLAHHOÓ LAÁWI 22:13

Ala barnaxes dasír kaahamusmo a kwaalo'o, laqaá duuxo ngaa gás, slám i na/oó koondaaká, nari dír doó baabuúwós i kí/, a adór qoomár tawa /amaatlito'o, i ya/aán muruú /aymár baabuúwós nguwa /ak. Tam adoosinge heé doó kaahamusmoowooká i ya/aandaaká muruú /aymarí nguwa /ayi.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

Matayo 12:4

tana dáh baraá Doó Mungú. Inós mikaáteedá' taa qaás as Mungú gari /aáy, tidá' inós wa hariimaaká /aymaaro, tam mukdá' nee inós ti alkoomá' sleeme, aqo har kaahamuusér Mungú kilós.

1 SAMUELI 21:6

Kaahamusmoó Mungú, Ahimeleki mikaáteedá' hhohho' gari haniís, asma mikaátér hatlá' i káhh, aqo har tidá' taa leéhh dír geeraá AAKOÓ MUNGÚ, kari warqeés ar mikaátedá' tinda sangw hhaákw baraá asltá wa ale.

1 SAMUELI 21:7

Baalaarihe heeko wák oo sagadiyusmoó Saulo i deer, kudá' taa qaroó ilaá/ dír geeraá AAKOÓ MUNGÚ. Sagadiyusmoowí umuuwós a Doegi, oo xoorór Edomu, heé úr oo de'eemuusér Saulo ga sagesihhmiít.