TLAHHOÓ LAÁWI 21:9 - Biblía Axweesantá Hhohho' ar Mungú 2004

⁹ Dasír kaahamusmoó Mungú bira tsaatuso'o tleehhít, gár kawa hariím a kan daa/ baraá asla, asma baabuúwós gwaa slasla/arés.

TLAHHOÓ LAÁWI 21:9 Iomraidhean Croise

IIMU/UUNGW 38:24

Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

TI'INAANGW 31:14

Kuungá' deelór Sabaáto harmagahhaak, asma deeloorí ka hhoohhoo' as kuungá'. Heé deeloorí gaa meetagaas gár kuwa hariím a gaasa. Nee heé gadiyeé gaa tleehh deeloorihe a baynitisa dirhunge.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

TLAHHOÓ LAÁWI 19:29

«Dasiirók ma hanisaar as iwa tsaatu'uumár eer, as yaamu mindiwa dahiyé' baraá tsaatu'uuma, niri hatsiyá' slasla/aruuwo.

TLAHHOÓ LAÁWI 20:14

Bar hee hare gaa duúx, nee aayór hare gay duúx, adoodá' ka slasla/aar. Inooínaaká tamaawo gár kiwa hariím a kin daa/ ar asla, asma gár slasla/aar ngaa tleehhiyé'. Adoorí an tlehhitá' as slasla/aruuwí kuwa ila/a' baraá tla/angwhunge.

MALAKI 2:3

Qaytsité', aníng na/iihúng i iigahhaát, nee gitsee/erhúng an sliík ar tsuunkáy, ar tsuunkáyduú muruudá' naa ilahhooár wa hubé'. Tam kuungá' sleeme nu muruuhúng kudá' alguús.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

Tito 1:6

Geeraharusmoó múk kríshaanáy masók a heé xaslxaansli wásl. Heé hare wák, nee na/iiwós masók a na/aá haratlintaaór koomá', awa ta daanda muruú tlákwí kaahiiká. Inooín masók a fuquuseerooká laqaá kudá' ilaiwa/amér kooma'aaká.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

YOSHUA 7:25

Yoshua iri oó', «Xáy, asma milá, kuúng gár slahh'amu ngusa húp baraá tla/angwréní alé? AAKOÓ MUNGÚ slahh'amu ngu dirók i huuw laarí.» Akani kuri tlaquút ar tlaa/e nee múk Israeli sleémeero, kuri gaás. Múk do'ós sleeme kuri tlaquút ar tlaa/e, kuri tsuú/ nee kuri daá/ ar asla.

1 SAMUELI 2:17

Tlakweemaá daaqoó doó Eli niri harwaraahhiyé' geeraá AAKOÓ MUNGUHE, gawaá adoorihe Mungú iri ló'wa buúhh, asma mukwí ilahhooár AAKOÓ MUNGÚ gana waaqaá'.

1 SAMUELI 2:34

Layár ta aan a tí, daaqaywók tsaraawo Hofni nee Finehasiwo ni qatliyá' baraá baalár wákí alé.