TLAHHOÓ LAÁWI 21:6 - Biblía Axweesantá Hhohho' ar Mungú 2004

⁶ Inooín ki hhoohhoo' dír Munguúine, tam umuú Munguúín munguwa slasla/areesiyé'. Asma inooín an kudá' ilahhooár da/a ngi hanmiisá' dír AAKOÓ MUNGÚ tawa adór muruú /aymár Munguúín. Gawaá adoorihe inooín masók ki hhohho'.

TLAHHOÓ LAÁWI 21:6 Iomraidhean Croise

ESRA 8:28

Aníng inooín ngiri báw, «Kuungá' tunda paraátl as AAKOÓ MUNGÚ nee xooslaarihe. Peésaarí nee sahaábuwo a muruú tinda haniís ar sla'aari as AAKOÓ MUNGÚ, Munguú baabi'iihúng.

TI'INAANGW 19:22

Tam kaahamuusér Mungú, tidá' AAKOÓ MUNGÚ gu i tseewuwuw, gár kawa hariím tin ala hhoohhooés, bar adooriheeká án i i buúhh.»

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

TI'INAANGW 29:44

Aníng heémaadá' ti dogiitaan ngari hhohhoeés dinkwa nee kitángw ilahhoa kawa hanmamisi. Tam Aroni nee daaqaywose sleeme in hhoohhooeés as inooín tawa kaahamuusér aníng i sagadiyuus.

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

TLAHHOÓ LAÁWI 19:12

Lo'o ma tawo /ayaar ar umuueé', tam umuú Munguúhúng kuri /oslisliindá'. Aníng an AAKOÓ MUNGÚ.

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

TLAHHOÓ LAÁWI 21:17

«Aroni ku beer, baraá xwaylarók sleémeero heé xaslxaanslír koóm baraá slaqwtose i ya/aandaaká iwa tseewuy as anuú Munguúwós iwa ilahhooár muruú /aymár i haniisi.

TLAHHOÓ LAÁWI 21:21

Xwaylár kaahamusmo Aroni ar xaslxaanslír koom miwa tseewuúr as ilahhooár da/a ngiwa haniisiya' dír anuú AAKOÓ MUNGÚ, as adoodá' iwa xaslxaanslír kona'.

TLAHHOÓ LAÁWI 21:23

Inqwaaridá' didá' ak hhoohhoo' gaa qasis, laqaá kitángw ilahhooa munguwa baloó i tseewúy, asma i xaslxaanslír kón, as didá' hhoohhoo' mingiwa meetagaás. Asma aníng an AAKOÓ MUNGÚ kudá' inooín gaa paraatl.»

TLAHHOÓ LAÁWI 21:8

Kaahamusmoó Mungú ku tsáhh adór tar heé taa paraátl, asma inós an heé ilahhooár muruú /ayma ngi hanmiís dir'eé', kaahamusmoó Mungú un tsáhh kuwa hhoohhoó', asma anuú AAKOÓ MUNGÚ, kudá' kuúng ugwa paraatl ti hhoohhoó'.

TLAHHOÓ LAÁWI 3:11

Naagáy kaahamusmoó Mungú gari daa/ gawaá kitángw ilahhooa, tawa adór muruú /aymár taa daá/ dír AAKOÓ MUNGÚ.

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 28:2

«Múk Israeli adoorí tir hara'ayiin, ku beer, ‹Kuungá' ilahhooar'eé' haniisare' qoomaadá' taa qaasi ar muruú /aymár ta da/a/an ar asla, kudá' slaahhareeriiwós aníng i sla'atamiisá'.›

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.