TLAHHOÓ LAÁWI 20:9 - Biblía Axweesantá Hhohho' ar Mungú 2004

⁹ «Heé baabuúwós laqaá aayoorós gi lu'umís, gár kuwa hariím a gaasa. Heé baabuúwós laqaá aayoorós gaa lu'us, tseereerós i gawaá daanduuwós.

TLAHHOÓ LAÁWI 20:9 Iomraidhean Croise

2 SAMUELI 1:16

Daudi guri báy, «Dakók oo kilá' kuúng un sakii/, asma afkóguú kilae ana lamabu'uún tawa ó', ‹Heedaádá' AAKOÓ MUNGÚ aa iimbalaáx aníng una gaás.› »

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

TI'INAANGW 21:17

«Heé baabuúwós gwa lu'us, laqaá aayoorós, aqo kun gaas.

AXWEESANOÓ SAGALOOA 20:20

Heé baabuúwós nee aayooro gi lu'umís, slafiingós in slapiit adór tsaa'asi bira gwá' baraá giwtír ma/amiro.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

TLAHHOÓ LAÁWI 20:16

/Ameeni bira tseewuúr dír makiito'o as tawa qaati, gár kawa hariím a gaasa, nee makiito'oodá' sleeme. Tseerduuín i gawaá daandeemooín.

TLAHHOÓ LAÁWI 20:27

«/Ameeni laqaá hhawaata awa giaá duxuumá', laqaá awa da/ariirimá', gár kiwa hariím kin tlaquut ar tlaa/e, kiri tsuu/, tseerer'ín i gawaá daandeemooín.»

Matayo 15:4

Asma Mungú ina oó', ‹Baabuúwók nee aayoorók ilaiwawa/eek.› Nee, ‹Heé baabuúwós gu /ooslisliím, laqaá aayo, gár kuwa hariím a gwa'ara.›

Matayo 27:25

Muu sleémeero iri oó', «Tseereerós atén nee na/iirene ti i ki/.»

Marko 7:10

Asma Mose ina oó', ‹Baabuúwók nee aayoorók ilaiwawa/eek.› Iri male oó', ‹Heé baabuúwós gu /ooslisliím laqaá aayo, gár kuwa hariím a gwa'ara.›

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

YOSHUA 2:19

Ala barnaxes hee naa tsee/ií ti'iít baraá do'oge, gwa'ararós i baraá dabaawós i dirí', atén a dakuúsár koomanaaká daanduuwose. Ala heéqo baraá do'ók i dirií' nee kiíng aldinkwa burkwa slahh'eés, daqaní dakuúsasíng a toorén.

HAR'OHUUSE 9:24

Adoorí ina tlehharút as tawa bu'utuú li/aydá' Abimeleki daaqoó mibeeri faanqw oo Gideoni nguwa tsuú/ qoomár kuwa alee/iís nee hhaeewós awa yaamaá Shekemu.