TLAHHOÓ LAÁWI 20:5 - Biblía Axweesantá Hhohho' ar Mungú 2004

⁵ aníngú kilá' un i sihhiít, inós nee múk do'ose, dinkwa nee mukdá' sleémeero oo inós gwa eehar, mukdá' sleémeero aa inkihhimu waslees dir'eene, munguúdá' ta bay Moloki ngway sluufmiisiye', inooín kiri baynitis dír mukós oo Israeliwo.

TLAHHOÓ LAÁWI 20:5 Iomraidhean Croise

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

TLAHHOÓ LAÁWI 20:4

Barnaxes múk yaamuudá' ngwaa ya'aá hara'afaátl, gwaa muxiiká as kuwa gaasi,

TLAHHOÓ LAÁWI 20:6

«Hee barnaxes aa daqáy dír xu'utuusér gi'i, nee da/aluuse, ar adoodae inkihhimu ngway dakuús dir'eene, un hara sihhiít, ngway baynitís dír xooroorós ar Israeliro.