TLAHHOÓ LAÁWI 20:2 - Biblía Axweesantá Hhohho' ar Mungú 2004

² «Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 20:2 Iomraidhean Croise

1 WAAWITÁ 11:7

Gawaá tloomadár bihhaá da/aáw awa Yerusalemu, Solomon kiteeri giri tleéhh awa ilahhooa kawa hanmiisi dír munguúdá' ta waki oo ta bay Kemoshi oo múk Moabu nee dír munguúdá' ta waki oo ta bay Moloki oo múk Amoni.

2 WAAWITÁ 17:17

Na/ii'ín awa daaqaay nee awa dasuwo ngina ilahhooár da/tá wa hanmiisiyé' dír munguaá lama, inooín dír qwaslaare nee da/aluuse ngina kakayé' as kiwa yaahamiisi kángw hotaaine. Inooín tina ló'wa haniisiyé' baraá tlakweema, dír geeraá AAKOÓ MUNGUHE, gawaá adoorihe, AAKOÓ MUNGÚ nguri buhhtisiyé'.

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

WARA'AMI 106:38

Tseerér múk dakuús wásl kana tawo ku'uús, tseerér daaqay'ín nee dasuuín, kudá' taa ilahhoár wa tsuú/ dír slaqsa'aá munguaá múk Kana'ani, yaamu kiri tsixitúr áy.

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.

ESEKIELI 20:26

Aníng ina máw as na/ii'ín awa baris ngiwa hanmiisiya' ilahhooár wa ale, dír slaqsi'iidaá munguaá hatlá'. Gaarí an slahhtaín ar dae tlaaq, as aníng iwa tsaahhiya' adór tar AAKOÓ MUNGÚ.

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

ESEKIELI 23:37

Inooín nina fuqusiyé' nee naa tsu/uutiyé'. Tsaatu'uuma ngaa tleehhiyé' dír slaqsi'idaá munguaá hatlá', nee na/ii'ín kudá' naa aníng i laqwaaliyé' ngina ilahhooár wa hanisiyé' dír slaqsi'iidá'.

ESEKIELI 23:39

Asma baalaadár kilae na/ii'ín ngiwa ilahhooár wa tsu/iyé' dír slaqsi'iidaá munguaá hatlá', nina hardihiyé' ay dír dooeé' kudá' hhoohhoó', ngway meetagaasiyé'. Adoorí an adoodá' naa tleehhiyé' baraá dooeé' wa ale.

TLAHHOÓ LAÁWI 17:13

«Heé xoorór Israeli laqaá hoomoó ayaaín wa hoót bira makiito'ór slaktuú áy, laqaá tsir/i, a gár hariim tseere ngiwa yaamií ku'uusi, gari hhapeérár tiip.

TLAHHOÓ LAÁWI 17:15

«Heé yaamuloousmo laqaá hoomo oo gár aa kilós gwa' gaa /aay, laqaá ar taa gaás nee makiito'ór sla/a, gár kuwa hariím tlabaawós gin hhuunts, nee iri hamtlín, inós iri dah baraá meeta ay tsiindo. Aluuwo iri hhoohhooúy.

TLAHHOÓ LAÁWI 17:8

«Inooín ki beer, heé xoorór Israeli, laqaá hoomoó baraá tla/angw'ín wa hoót oo ilahhooár da/tá hanimiís, laqaá tam ilahhooár muruú ta tsu/i,

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

TLAHHOÓ LAÁWI 20:1

AAKOÓ MUNGÚ Mose guri báy,

TLAHHOÓ LAÁWI 20:27

«/Ameeni laqaá hhawaata awa giaá duxuumá', laqaá awa da/ariirimá', gár kiwa hariím kin tlaquut ar tlaa/e, kiri tsuu/, tseerer'ín i gawaá daandeemooín.»

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

TLAHHOÓ LAÁWI 24:16

Umuúqo heewo oo yaamuloó' laqaá hoomo oo umuú AAKOÓ MUNGÚ gwaa tloqoos, xooro gun tlaa/ér gás.

TLAHHOÓ LAÁWI 24:23

Naagáy Mose xoorór Israeli sleémeero gari kaangwí báy. Heedaádá' AAKOÓ MUNGÚ gwa lu'us, kuri tsee/aá xáftí duúx, kuri tlaa/ér tlaquút, kway gaás. Adoorí an adór xoorór Israeli aa tléhh, ar adór AAKOÓ MUNGÚ Mose ngura hara'ayín.

Tlehhema'aá ya/Abuuse 7:43

Aasla'áy, a aningeeká. Kuungá' heémár Moloki ana gagariindé', nee tsetsee/ír munguúhúng, kudá' ta bay Refani, murslaaqatuudá' taa tlehhé' as kuwa sluufmisa'. Gawaá adoorihe án kuungá' nu loohatís nuri har waarahhaás Babuloniro.›

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

DABE 17:2

«Barnaxes aga axasé' baraá gixsaduhúng kudá' AAKOÓ MUNGÚ naa kuungá' i haniís, heé hhawaata laqaá /ameeni tlakweema gaa tleehh dír geeraá AAKOÓ MUNGÚ, Munguúhunge, nee alqadoorós gari sií',

DABE 18:10

Baraá tla/angwhunge hee tumu wák miwa deeruút, heé na/aywós oo garma, laqaá oo dasi gu baraá ásltár ohís as nguwa ilahhooár wa haniisi, laqaá heé tlaa/aá xuaaiím, laqaá heé tu/u/uúm, laqaá oo isaá araa'ár,

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.