TLAHHOÓ LAÁWI 2:9 - Biblía Axweesantá Hhohho' ar Mungú 2004

⁹ Kaahamusmo ilahhooasíng gan bahh taataahh tawa ilahhooár inslaslaangw nee gari daa/ gawaá kitángw ilahhooa, ilahhooarí ta da/aa/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:9 Iomraidhean Croise

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:16

Kaahamusmoó Mungú ilahhooarír bu'úngw taa tuú' dinkwa nee mooyángw tsuú' gan bahh daa/ as tawa ilahhooár inslaslaangw. Gaarí an ilahhooár ta hanmiisi dír AAKOÓ MUNGÚ ar da/a/aangw.»

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:8

Ilahhooasíng taa tleéhh ar muruusíng ka húp dír geeraá AAKOÓ MUNGÚ, qoomár bara hardahás, kaahamusmo ngi huwi gawaá kitángw ilahhooa.

TLAHHOÓ LAÁWI 24:7

Nee umuúqo hhaywo ku mooyángw tsuú' i qás as tiwa alkona' nee mikaátedá' nee tawa ilahhooár da/a ar inslaslaangw dír AAKOÓ MUNGUHE.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 5:12

Gun dír kaahamusmoó i huuw, kaahamusmo puruú tsa/oó wák gun daa/ gawaá kitángw ilahhooa tawa inslaslaangw, gun daa/ dinkwa nee ilahhooár da/a/aangw, gaarí tari ilahhooár tlakweema hingeesa.

TLAHHOÓ LAÁWI 6:15

Kaahamusmoó wák tsa/oó wák oo puurú gun taataahh ilahhooár balángw wa alé dinkwa nee di/i, nee mooyángw tsuú', sleémeero gari daa/ gawaá kitángw ilahhooa, tawa inslaslaangw, slaahhareeriiwós AAKOÓ MUNGÚ nguri sla'atisiyá'.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

FAARO 5:26

Aluuwo tsa/oó wák oo puurú ilahhooadár inslaslaangw guri taataahh nee guri daa/ gawaá kitángw ilahhooa. Aluuwo /ameenidá' gari ma'aydá' qarqarár wahaas.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.