TLAHHOÓ LAÁWI 2:3 - Biblía Axweesantá Hhohho' ar Mungú 2004

³ Bartadá' aa met baraá ilahhooarír da/ato ar Aroni nee daaqaywós. Asma ilahhooarí taa haniís dír AAKOÓ MUNGÚ ka ló'wa hhoohhoo'.

TLAHHOÓ LAÁWI 2:3 Iomraidhean Croise

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

TI'INAANGW 29:37

Kuúng ilahhooa an hanmís deelo faanqw as kitángw ilahhooa kawa harki/ís nee kawa hhoohhooes. Daqaní kitángw ilahhooa kawa hanmamisi ku ló'wa hhoohhoó', as kahhó' umuú gár gu kwatiita aqo in hhoohhoouúr.»

ESEKIELI 44:29

Inooín ilahhooár balaangw ngi /ayá', nee ilahhooár tlakweema hingeesa, nee ilahhooár dakuús fiitsa sleeme. Umuú gár baraá yaamaá Israeli ar taa paraátl as Mungú a tooín.

ESEKIELI 46:20

Iri báy, «Diirí an didá' kaahamuusér Mungú fu'unaydá' taa ilahhooár wa haniís ar dakuús fiitsa ngiwa humaamina', ilahhooár tlakweema hingeesa nee didá' ilahhooár balaangw. Inooín gár ta tsee/ií ar ti'iiti i káhh baraá matla/aangwihe, as muu mukuwa hhoohhooeés.»

TLAHHOÓ LAÁWI 10:15

Da/eewo nee yaaeero, kudá' ta gáwtí tleesi as kiwa haniisi dír AAKOÓ MUNGÚ, kingin huuw dinkwa nee wahhnadá' ta ilahhooár wa da/i as kiwa gáwtí tles as kiwa hanis dír AAKOÓ MUNGÚ. Muruuwí a kók nee na/iiwók, a hariímarhúng ay alhhe'eesay wasle, ar adoodá' AAKOÓ MUNGÚ ngira hara'ayín.»

TLAHHOÓ LAÁWI 14:13

Naagáy deelmooduú bee/i guri gaas didá' hhoohhoo' ar makaá ilahhooár tlakweema hingeesa nee ilahhooár da/a ki tsu/aa/in. Ilahhooarír dakuús hingeesa nee ar tlakweema hingeesaro a hariímár kaahamusmoó Mungú.

TLAHHOÓ LAÁWI 2:10

Ilahhooarír da/a taa haniís dír AAKOÓ MUNGÚ ka ló'wa hhoohhoo', nee bartadá' aa met kan haniis dír Aroni nee daaqaywós.

TLAHHOÓ LAÁWI 21:22

Heewí muruudá' ló'wa hhohhó' oo taa duúx Mungú wa ale ngu /ayi, nee kudá' hhohhoe.

TLAHHOÓ LAÁWI 5:13

Naagáy kaahamusmo haraki/isa gan tleehh as daanduú heewí as tlakweemaadá' aa tleéhh, inós kuri gurtláy. Puuruú aa meet tari oo kaahamusmoó Mungú, adór ilahhooár bu'úngw wa ale.»

TLAHHOÓ LAÁWI 6:26

Kaahamusmoó Mungú kudá' ilahhooarí gaa haniis an kudá' ga /aáy, gan /aay didá' hhoohhoó' wa ale baraá afeenír heémár Mungú.

TLAHHOÓ LAÁWI 6:9

«Aroni nee daaqaywós hara'ayaarí baweek: Gaarí an dabér ilahhooár da/a/aangw. Ilahhooár da/a/aangw kan gawaá kitángw ilahhooárí máy xweera sleémeero ay matlaatle, kan ásltí gutlhhún, asltós miwa gwá'.

TLAHHOÓ LAÁWI 7:7

«Dabér ilahhooár dakuús hingeesa nee ar tlakweema hingeesa a wak, kaahamusmoó Mungú kudá' haraki/imisuú tlehhiít, fu'unaydá' gin ar tláy.

TLAHHOÓ LAÁWI 7:9

Ilahhooár balaangw ar taa qo humín baraá asla, laqaá baraá safúrya, laqaá xooslmoó garangariingw, ar kaahamusmoodá' gaa haniis.

FAARO 18:9

Baraá tla/ángw muruú hhohhó' ló'wa ale, kudá' taa da/iika baraá asla, muruuwí an koohúng, adór ilahhooár balaangw, nee ilahhooár tlakweema hingeesa, nee ar dakuús hingeesa. Umuúqo gár muu naa sa haniisi ilahhooár hhohhó' wa ale, a tók nee ar daaqaywók.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?