TLAHHOÓ LAÁWI 2:16 - Biblía Axweesantá Hhohho' ar Mungú 2004

¹⁶ Kaahamusmoó Mungú ilahhooarír bu'úngw taa tuú' dinkwa nee mooyángw tsuú' gan bahh daa/ as tawa ilahhooár inslaslaangw. Gaarí an ilahhooár ta hanmiisi dír AAKOÓ MUNGÚ ar da/a/aangw.»

TLAHHOÓ LAÁWI 2:16 Iomraidhean Croise

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:12

Bu'uungók oo geera ngu ilahhooár wa húp dír AAKOÓ MUNGÚ, ala ku qaasiiká gawaá kitángw ilahhooa tawa slaahhareeraá tsuuá'.

TLAHHOÓ LAÁWI 2:14

Qoomár ilahhooarók tidár bu'úngw geera bar húp dír AAKOÓ MUNGÚ, masók a tidá' taa /ar'aá aldaá/, laqaá mikaátér taa tleéhh ar puuruú angaánoó taa xoósl.

TLAHHOÓ LAÁWI 2:15

Kari dí/tí tsiririxís, kari mooyángw tsuúí qás. Gaarí a ilahhooár bu'uungw.

TLAHHOÓ LAÁWI 2:9

Kaahamusmo ilahhooasíng gan bahh taataahh tawa ilahhooár inslaslaangw nee gari daa/ gawaá kitángw ilahhooa, ilahhooarí ta da/aa/an ar asla slaahhareeriiwós AAKOÓ MUNGÚ nguri sla'atisiyá'.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.