TLAHHOÓ LAÁWI 19:5 - Biblía Axweesantá Hhohho' ar Mungú 2004

⁵ «Qoomár bar ilahhooár wayda ngi gaamisá' dír anuú AAKOÓ MUNGÚ, ngi hanisá' ar adoodá' hariim, as tunduwa ya/an.

TLAHHOÓ LAÁWI 19:5 Iomraidhean Croise

2 QOM'I 31:2

Waawutmo Hesekia kaahamuusér Mungú nee múk Laáwiwo giri malé qaás baraá gadiyeédí ale, as tawa gadiyuusi baraá Doó Mungú wa ale. Gadiyér ngi qasmiís a ilahhooa da/a/aangw, nee ilahhooár wayda hanmis, niwa gadiyuusiya' dír afkú heémár AAKOÓ MUNGÚ wa ale, nee xirfayeemis nee sluufaywo.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

ESEKIELI 46:12

«Geeraharusmo bir ilahhooarós tidár muunuú /awaák haniisár wa slaa' dír AAKOÓ MUNGÚ laqaá ilahhooár da/a/aangw, laqaá ar wayda, afkú da/aáw oo matla/ángw guruú baraá do', ku gweeri. Ilahhooarós ngi haniisi adór deelór Sabaátoro ta /iamamisi, nee qoomár bir ti'imiit afkú do' ku aluuwós wa tseegi.»

ESEKIELI 46:2

Geeraharusmo bir tsee/aá daahh in dah ar afkú matla/aangw. Inós iri sihhiit dír uhmoó dír afkú do', qoomár kaahamuuse bir ilahhooár hanmís ar da/a nee ar wayda. Naagáy geeraharusmoodá' iri tumbarara'aat, giti gari yaamúr oh, dír afkú do', aluuwo iri tsee/aá i ti'iit. Afkú do' kuri gweeramoórí máy ay tsiindo.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 19:4

«Ma warqawaara' amór munguaá' murslaaqat, tam munguaá murslaaqat mi tlehhitara'. Aníng an AAKOÓ MUNGÚ Munguúhúng.

TLAHHOÓ LAÁWI 19:6

Ilahhooa i hariín kawa /ayi baalaadá' kawa haniisi, laqaá bál tsár, nee gár aa met ay bál tám gár kawa hariím a da/a iri da/arút.

TLAHHOÓ LAÁWI 22:19

as kahhó' kawa ya/an gwaanduú xaslxaasli wásl gun haniis, laqaá awuú xaslxaansli wásl, laqaá gurtuú xaslxaansli wásl.

TLAHHOÓ LAÁWI 22:21

Hee tam gaalá bar ilahhooár muruú ta tsu/i ngi hanmiis dír AAKOÓ MUNGÚ, ilahhooár wayda as al'axweesantós ngiwa boo/eesi, laqaá ilahhooár muunuú sla'aari, baraá daqtós tidá' i de'ena, as kuwa ya/an, masók an makiito'ór hhoohhoo' ar xaslxaanslír koomaaká.

TLAHHOÓ LAÁWI 22:23

Awu laqaá gwaanda oo diqiya' tlét, laqaá oo diqiya' ququmát u aleesleér kuwa ilahhooár muunuú sla'aarír wa hanis. Ala kuká' mi al'axweesantá wa haniisaar.

TLAHHOÓ LAÁWI 22:29

Barnaxes anuú AAKOÓ MUNGÚ iga ilahhooár sluufáy gaasár eér, ngin hanís ar adór tuwa ya/an.

TLAHHOÓ LAÁWI 7:16

«Ala bar sleedá' taa gaás ar ilahhooár al'axweesani, laqaá ar taa ilahhooár sla'aarír wa gaás, kan /aay baalaadár kilae, bartá aa met matloowose kan /aay.

TLAHHOÓ LAÁWI 7:18

Barnaxes fu'unaay awa ilahhooár wayda, kin /aay bál tame, ki ya/anká sleeme ki harafariiká bartá heé gaa haniis. Fu'unaydá' ki tlaakw, nee umuúqo heé gaa /ayi taa kilós tlakweemár áy.