TLAHHOÓ LAÁWI 19:3 - Biblía Axweesantá Hhohho' ar Mungú 2004

³ Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:3 Iomraidhean Croise

IIMU/UUNGW 48:12

Yosefu giri hingeés baraá gurungeeriiwose, nee inós iri xupuú' ay yaamu.

NEHEMIA 9:14

Ar loohír Mose sagadiyusmoowoge kiri xu'utís deeloorók tidá' hhoohhoo' ar Sabaátoro, nee kiri ádbeér hara'ayarók kawa eehari nee dabeero nee kaahiroge.

TI'INAANGW 16:29

Ga/aawaak, AAKOÓ MUNGÚ deelór Sabaátó ngina haniís. An gár bál lahhooe muruú /ayma kungusa tlahhás ay deelo tsár. Gimsé', umuú heewo i hungu/uusi dír do'ós i alé, hee miwa hi'iitanór áy bál faanqwe.»

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

TI'INAANGW 20:8

«Deelór Sabaáto inslaweek kawa hhoohhooes.

TI'INAANGW 21:15

«Heé baabuúwós gwa muux, laqaá aayoorós aqo kun gaas.

TI'INAANGW 21:17

«Heé baabuúwós gwa lu'us, laqaá aayoorós, aqo kun gaas.

AXWEESANOÓ SAGALOOA 1:8

Garmaaeé', gár baabuúwók i kaahi iiárií i qaaseek, tam dabér aayiírók ma siaar.

AXWEESANOÓ SAGALOOA 23:22

Baabuúwók kudá' ugwa laqwaal iiárií qaaseek, tam aayiírók bira diín ma waaqaa'aar.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

ESEKIELI 20:12

Ina Sabaátor'eéní haniís as tawa laya tla/ángw án nee inooine, ngiwa xuiya' adór aníng tar AAKOÓ MUNGÚ, kudá' inooín gi hhohhoeemiís.

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 19:25

Ala mamaá kurkú kooán wa iimu/uuma in /agá', nee bu'ungwhúng iri doogín. Aníng an AAKOÓ MUNGÚ, Munguúhúng.

TLAHHOÓ LAÁWI 19:30

Sabaátor'eé' na amohhe'eemisaak, nee dir'eé' tidá' hhoohhoo' na ilaiwawa/aak. Aníng an AAKOÓ MUNGÚ.

TLAHHOÓ LAÁWI 19:31

«Xu'utuusér gi'i ma i daqaaqawaar, laqaá da/aluuse ma firiirimara' as nuwa alee/is, adoosíng bara tleehhé', tunda dahaás baraá tlakweema. Aníng an AAKOÓ MUNGÚ, Munguúhúng.

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

TLAHHOÓ LAÁWI 26:2

Deelór Sabaátor'eé' amohhe'eemisaak, nee didá' ak ló'wa hhoohhoó' ilaiwawa/aak. Aníng an AAKOÓ MUNGÚ.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.