TLAHHOÓ LAÁWI 19:16 - Biblía Axweesantá Hhohho' ar Mungú 2004

¹⁶ Ma baloó kwa'afeeraá maraá múkwár warahhaar tawa mar'eefoowók safolit. Hotaá inslaawmoowók mi baraá tsaxwaá gwa'aarárí dahasaar ar axweesanaywók. Aníng an AAKOÓ MUNGÚ.

TLAHHOÓ LAÁWI 19:16 Iomraidhean Croise

YOBU 17:5

Heé mulqeerós ga geewaqaqtiím ar peésa, na/iiwós i ila' bo/aa/ayá'.

WARA'AMI 101:5

Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

WARA'AMI 15:3

A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

WARA'AMI 50:20

Aga iwít hhiyaawók kuwa kaantiin, garmoó aayoorók ugwa /aysántí tsát.

TI'INAANGW 20:16

«Inslaawmoowók mu /aysántí tsataar.

TI'INAANGW 23:1

«Axweesanoó lama mu alki/itaar. Ma aldinku'uumisaara' nee heé tlaákw, as tawa lamabu'usmoó lama tleehhit.

TI'INAANGW 23:7

Kuúng axweesanoó lama geewakaweek, múk dakuús wásl nee oo gan'amuú kooma mi tsu/aar, asma aníng tlakusmo u gan'amií harafaraaká.

AXWEESANOÓ SAGALOOA 10:18

Heé aahhirós gaa luu/ a hhaahhafusmo, heé daanduú heé axweés a daktani.

AXWEESANOÓ SAGALOOA 11:13

Heé takaahi gar hi'iimiít i naaqór duxún. Ala heé qeeruuwós inkihhím i muruú lu/uu/ún.

AXWEESANOÓ SAGALOOA 20:19

Heé lamtá slaá' naaqo ga duux amór muu. Gawaá adoorihe heé lamtá slaá' geewakaweek.

YEREMIA 6:28

Inooín sleémeero naa dee/anutiyé', ki sage gawden. Inooín an múk tawo hi'imiít as muu kuwa kaantin. Ki gawden adór muqslír sirdaa/aat nee muqsli. Inooín sleémeero a múk a hhitruut.

YEREMIA 9:4

«Umuú heewo ti harmagaahhi dír inslaawmowose. Nee hhiya' mu harahhifaar, umuú heewo a al/aymusmo nee umuú inslaawmowo a kaantusmo.

ESEKIELI 22:9

Baraawoge múk kuqá' /ayseenií tlaáq i deer, kahhó' kuwa tsu/i. Yaamuloouuseerók muruú /aymaadá' taa hanmiís dír munguaá hatlá' gun al'em'aa'eén gawaá tlom'ií wa ale. Tsaatu'uuma kan tlehhiit.

Matayo 27:4

giri báy, «Aga dakuús, asma heé tlakweemaá koomaaká nguwa sakií/.» Inooín tari oó', «Gár atén ti huuw gawaá tisinge a milá? Kangwsíng a kók.»

DABE 27:25

«Umuúqo heé ta bui as heé dakuúsár koomaaká nguwa gaasi, kwaa lu'ús.» «Nee muu sleémeero ta ooi, Amin.»

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

2 Timoteo 3:3

Slám a múk múk maray'ín sla'aaká, a múk wayduú tlehhitaaká. Nee slám inooín a múk /ayseenuuse, múk slaqooín ila/aamaaká, múk xaraásl, múk hhooeemaá sla'aaká,

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

1 SAMUELI 24:10

Qayteek laarí hamí, adór kuúnguú kilá' kara aán ilaawoge, qoomár tawa baraá mar'írií diri', AAKOÓ MUNGÚ una gawaá dabaeénií qaás. Muk'eé' bahh'alé aníng iri báy, ‹Gaaseek,› ala una gurtláw, niri oó' ‹dakw'eé' u looloqoosaaká gawaá aakooeé', asma inós a kudá' taa iimbalaáx nee AAKOÓ MUNGÚ.›