TLAHHOÓ LAÁWI 19:10 - Biblía Axweesantá Hhohho' ar Mungú 2004

¹⁰ Tam sabiíbu aa meet baraá qaymo mu burumburiimara', tam mamaá sabiíbuuhúng awa na paahhiye' mi sleemisaara'. Mawaak as narkuute nee hoomár dabe kaaharen ar baraá ayaahúng hoot. Aníng an AAKOÓ MUNGÚ, Munguúhúng.

TLAHHOÓ LAÁWI 19:10 Iomraidhean Croise

ISAYA 17:6

Inooín ki múk niiná i geexáy adór na/aá seituúni awa taa /aytimiís, adór mamaá tsár laqaá tám awa taa geexáy gawaá halmír gáwtí saaw, laqaá adór halmír mamaá tsiyáhh laqaá kooán kiwa geexáy gawaá xa'anoó mamaá koóm. Anuú AAKOÓ MUNGÚ, Munguú Israeli tí ana káh.»

ISAYA 24:13

Adoodá' mamaá niiná nir meetiya' gawaá xa'anoó seituúni, laqaá gawaá xa'anoó sabiíbu, alaá burkwa hhe'eés bu'uungo, an adoodá' tleehharuut baraá yaamu sleémeero, múk niiná i slafíngwí meet.

YEREMIA 49:9

Barnaxes múk sabiíbuú bu'uúm naa dirhúng i hardáh, sabiíbu nguqo geexáy'a? Barnaxes fisuuse xweeraawo naa hardát, xáy aqo umuú gaaro ngin hhitiná'aáke ay dír nay hhe'eesiya'?

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

TLAHHOÓ LAÁWI 19:25

Ala mamaá kurkú kooán wa iimu/uuma in /agá', nee bu'ungwhúng iri doogín. Aníng an AAKOÓ MUNGÚ, Munguúhúng.

TLAHHOÓ LAÁWI 19:9

«Qoomár bar bu'uundá' baraá yaamuhunge ma bu'uumaara' ay afaá qamu, laqaá ma alií ki/aara' tawa bururuú burumburiinda'.

TLAHHOÓ LAÁWI 23:22

«Bar bu'uún baraá qaymooroge, ma baloó bu'uumaar ay alhhe'eesoó qaymoorók, laqaá ma alií ki/aar as buruurú kuwa sleemis, un meér as dahaayér waaraahh nee narkuute. Aníng an AAKOÓ MUNGÚ, Munguúwók.»

TLAHHOÓ LAÁWI 25:6

Tam kurkú qamu hungu/uusaro, qamu nun muruú /aymaárií haniisiyá', kuungá' nee lawaalerhúng ar hhawaate nee ar /ameenaaro, nee múk taa gadiyér wa qasé', nee hoomár baraá ayaahúng wa hoota,

OBADIA 1:5

Fisuuse bar naa fiisór eér, laqaá malguuse bar xweeraawo iga haraadát, xáy, harqoomoó tar tlay aqo kudá' ni aleeslay'aakáhe ar tleemuuwo. Múk sabiíbuú bu'uúm bira bu'úngw áy, ahaá, sabiíbu lo'o qwaareesa ku geexaykáhe. Ala wakuuseerók do'ók gun paapa/ás.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

DABE 24:19

«Qoomár bar qamuuhúng fiqitá', ufeedá' taa gunqaaresé' baraá qaymoórí ale, ma leehhara'. Tidá' aa met an meerá' as hoomár ayaahúng hoot, nee na/aá panaay nee /ameenár kwaeeli, as AAKOÓ MUNGÚ, Munguúhúng nuwa tsuuqi baraá gadiyeduuhúng sleémeero.

DABE 24:20

Barnaxes a mamaá seituúnír bu'uundá', ma male ki/aara' tidá' aa met kawa lehha'. Tidá' aa met an meerá' as hoomaadá' ayaahúng hoot, nee ar na/aá panaay, nee /ameenár kwaeeli.

DABE 24:21

Qoomár bar sabiíbuú bu'uundá', ma alií ki/aara' mamaá sabiíbu kudá' naa meetiye' mi alhhe'eesár awaara', mawaak dír hoomaadá' ayaahúng hoot, nee na/aá panaay, nee /ameenár kwaeeli.

HAR'OHUUSE 8:2

Ala Gideoni gina báy, «Muruú aníng naa tleéhh a ak gaarooká burkwa alqoomeés nee kudá' kuungá' taa tlehhé'. Muruú múk Efraimu aa sleemiís alaá bu'uungo ku ló'wa hhó', slám ku hhohhó' ta bu'úngw Abieseri kuduú tlahhay'eene.

RUTI 2:2

Looarka wake Ruti Naomi gari beér, «Xáda, xáy, án a tláw baraá qamu, a bururú sleemisuú áw. Aníng a haraxuú' heé ya/aám nguwa slaw niwa aluuwós wa sleemiis.» Naomi iri ó', «Kiíng tláw, dasir'eé'.»