TLAHHOÓ LAÁWI 18:5 - Biblía Axweesantá Hhohho' ar Mungú 2004

⁵ Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

TLAHHOÓ LAÁWI 18:5 Iomraidhean Croise

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

TI'INAANGW 6:2

Naagáy Mungú Mose guri báy, «Aníng a AAKOÓ MUNGÚ.

TI'INAANGW 6:29

AAKOÓ MUNGÚ Mose guri báy, «Aníng a AAKOÓ MUNGÚ, axweesanaydá' sleémeero ugwa báw ooeek dír Farao.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ESEKIELI 18:9

barnaxes inós kaahir'eé' ga eeharahar nee hara'ayar'eé' gaa kángw kilá' wa iialooeés, heewí i gan'amuú kón, nee inós i tsuwa hoot.› Anuú Aakoó MUNGÚ tí ngina oó'.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

TLAHHOÓ LAÁWI 18:6

«Heé xoorór Israeli i harinká nee mar'afto'oorós ar tseew tawa fuquusi. Aníng an AAKOÓ MUNGÚ.

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.

Matayo 19:17

Yesu iri oó', «Asma milá mas hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.»

Luka 10:28

Yesu guri báy, «Tisíng i qoón. Bar adoosíng aga tléhh daqaní slafíngw alhhe'eesay wásl u sleér.»

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

Rumi 7:10

ala aníng niri gwaá'. Gawaá adoorihe hara'ayaadá' slafiingw geera ngu huuw, gár naa húp dir'eene an gwa'ara.

Galatia 3:12

Ala hara'aya kángw haratlintaao gu katká. Ala hara'aya gár i kat a tí, «Heedaádá' hara'aya sleémeero gaa oh, slafiingw gun sláy as tlehhemi'iiwós.»

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.