TLAHHOÓ LAÁWI 17:6 - Biblía Axweesantá Hhohho' ar Mungú 2004

⁶ Naagáy kaahamusmoó Mungú tseere gari hikimiis gawaá kitángw ilahhooa oo AAKOÓ MUNGÚ, kuduú geeraá heémár Mungú i dirií', nee wahhnár hikwaadá' gari daa/ as tawa slaahhareeraá tsuuá' awa AAKOÓ MUNGÚ ngu sla'atimiisá'.

TLAHHOÓ LAÁWI 17:6 Iomraidhean Croise

TI'INAANGW 29:13

Daqaní wayo sleémeero awa baraá waqát nee daeero nee gumbayaaya' nee wayoodá' gawaawose, sleémeero ki dá/ gawaá kitángw ilahhooa.

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

TLAHHOÓ LAÁWI 17:5

Hara'ayaarí kana qaás as kahhó' xoorór Israeli hikwaaín kudá' geera ta tsu/i baraá aykú wa ale, ngiwa huwiya' dír AAKOÓ MUNGÚ, dír geeraá kaahamusmoó Mungú, nee dír afkú heémár Mungú, inós giri tsuu/, giri ilahhooár waydú wa haniis dír AAKOÓ MUNGÚ.

TLAHHOÓ LAÁWI 3:11

Naagáy kaahamusmoó Mungú gari daa/ gawaá kitángw ilahhooa, tawa adór muruú /aymár taa daá/ dír AAKOÓ MUNGÚ.

TLAHHOÓ LAÁWI 3:13

Dakók un qás gawaá ságw makiito'oodá', ka gás dír geeraá heémár Mungú, nee daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 3:16

Aluuwo kaahamusmoó Mungú giri daa/ gawaá kitángw ilahhooa tawa muruú /aymár taa daá/ oo slahhareeraá koóm. Wahhna sleémeero ar AAKOÓ MUNGÚ.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 3:5

Daaqoó Aroni gari gawaá kitángw ilahhooárí daa/ dinkwa nee ilahhooadár da/a/aangw ar gawaá migírí dirii'. Gaarí an ilahhooár da/a ar slaahhareeriiwós AAKOÓ MUNGÚ ngu sla'atisá'.

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

FAARO 18:17

Ala tsa/eetaá baris awa hikwa, laqaá deeloó baris oo bee/aangw laqaá oo aara mi tu/aar, kuká' ki hhohho'. Tseerer'ín ka tsipipi'ís gawaá kitángw ilahhooa, nee wahhnar'ín ka dá/ as tawa ilahhooár slaahhareeriiwós anuú AAKOÓ MUNGÚ i sla'atamiisá'.