TLAHHOÓ LAÁWI 17:5 - Biblía Axweesantá Hhohho' ar Mungú 2004

⁵ Hara'ayaarí kana qaás as kahhó' xoorór Israeli hikwaaín kudá' geera ta tsu/i baraá aykú wa ale, ngiwa huwiya' dír AAKOÓ MUNGÚ, dír geeraá kaahamusmoó Mungú, nee dír afkú heémár Mungú, inós giri tsuu/, giri ilahhooár waydú wa haniis dír AAKOÓ MUNGÚ.

TLAHHOÓ LAÁWI 17:5 Iomraidhean Croise

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

IIMU/UUNGW 22:13

Abrahamu iri qaytsiít, naxes gwaanda i dír aluuwós, kwa xareemi óh nee xwaansláy. Abrahamu gwaanduú aáng guri óh, guri ilahhooár da/tá wa haniís kitángw garmaawós wa ale.

IIMU/UUNGW 22:2

Mungú iri oó', «Garmaawók kwisíng oo kilós, nee oo kuúng ta ló'wa sla', Isaka, ar tlawang ay baraá yaamaá Moria. Daqaní kuúng ngu ilahhooár da/tá wa hanís gawaá tloomár aníng ni kuúngí laqaam.»

IIMU/UUNGW 31:54

Aluuwo Yakobo makiito'o gari gaás, gari ilahhooár wa haniís dír Mungú gawaadá' tloomár wa alé. Hhaeewós giri ateét tawa /ayin. Alaá /aymaaro tawa hhe'eés, tari deél gawaá tlooma.

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

1 WAAWITÁ 3:2

Qoomár Doó AAKOÓ MUNGÚ kuwa tleehhiiká, muu ilahhooa gan hanmamiis didár gongoamaá wa alé.

1 WAAWITÁ 3:3

Solomon AAKOÓ MUNGÚ guri slaá', hara'ayár baabuúwós Daudi gana eehár, ala aqo har ilahhooár muruú ta tsu/i nee ar mooyángw nee ar mooyángw koom gana haniís wa/aameedár gongoamaá wa ale.

2 WAAWITÁ 16:4

Aluuwo Ahasi ilahhooár muruú ta tsu/i nee mooyángw tsuú' gina hanmiís gawaá gongoamá wa ale, nee dír gamuú umuú xa'anoó naa/e.

2 WAAWITÁ 17:10

Gawaá umuú gongoamoowo nee dír kiintuú loo/ór naá/ koóm, uheemaá tlaa/e nee murslaaqatuú munguúduú /ameeni ta bay Ashera nguna tleehhiyé'.

2 QOM'I 28:4

Ahasi ilahhooár muruú ta tsu/i gana haniís nee mooyaangw guna da/aa/án dír wa/amér munguaá hatlá' kiwa sluufmamiisi, gawaá goongoama' nee gawaá tlom'i nee dír umuúqo gamuú xa'anoó loo/o naa/e.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 22:9

Baraawoge múk kuqá' /ayseenií tlaáq i deer, kahhó' kuwa tsu/i. Yaamuloouuseerók muruú /aymaadá' taa hanmiís dír munguaá hatlá' gun al'em'aa'eén gawaá tlom'ií wa ale. Tsaatu'uuma kan tlehhiit.

ESEKIELI 43:27

Alaá deeloorí faanqw bira waaráhh, bál dakaát nee deelór hi'iita kaahamuusér Mungú ilahhooár da/a nee ar wayda ngin haniisiyá' gawaá kitangwduú ilahhooa. Aníng kuungá' nu ya/aám. Anuú Aakoó MUNGÚ tí ngina oó'.»

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

TLAHHOÓ LAÁWI 17:4

kitángw ngiwa huwi dír afkú heémár Mungú didá' hhoohhoo' as ngiwa AAKOÓ MUNGÚ i haniisi, heedaádá' i dakuúsár kón ar tseere ngiwa ku'uús, nee inós kun baynitis dír xooroorós ar Israeliro.

TLAHHOÓ LAÁWI 17:6

Naagáy kaahamusmoó Mungú tseere gari hikimiis gawaá kitángw ilahhooa oo AAKOÓ MUNGÚ, kuduú geeraá heémár Mungú i dirií', nee wahhnár hikwaadá' gari daa/ as tawa slaahhareeraá tsuuá' awa AAKOÓ MUNGÚ ngu sla'atimiisá'.

DABE 12:2

Kuungá' wa/ameedá' muu munguaá hatlá' ngiwa sluufmiisi hhaamiisaak, gawaá tlom'aá tlede, nee gawaá gongoamawo, nee dír umuúqo gamuú xa'anoó loo/o naa/e.