TLAHHOÓ LAÁWI 17:4 - Biblía Axweesantá Hhohho' ar Mungú 2004

⁴ kitángw ngiwa huwi dír afkú heémár Mungú didá' hhoohhoo' as ngiwa AAKOÓ MUNGÚ i haniisi, heedaádá' i dakuúsár kón ar tseere ngiwa ku'uús, nee inós kun baynitis dír xooroorós ar Israeliro.

TLAHHOÓ LAÁWI 17:4 Iomraidhean Croise

IIMU/UUNGW 17:14

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

WARA'AMI 32:2

Heé amohhoó' a kudá' AAKOÓ MUNGÚ i tlakweemií harafaditiiká, nee baraá muunaáwose ku waqooda wásl.

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

TI'INAANGW 12:19

Baraá deeloosíng faanqwe gár sluuftimis miwa deerút baraá marayhunge, asma umuúqo heé gár taa sluuftís gaa /aay, heesíng aqo kun tlatlahhaas dír múk Israeliwo, a gaarooká inós bar hoomo laqaá bar heé Israeli.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TI'INAANGW 30:38

Heé mooyángw daa'awtí gwaa tleehh as slikiingós a baynitisa.»

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 17:14

Asma slafíngw umuú gaaro i baraá tseere, an gár xoorór Israeli ngisa báw, ‹Tseerér umuú makiito'ooro ka waak /aymaaro, asma slafíngw umuú gaaro i baraá tseere.›

TLAHHOÓ LAÁWI 17:3

Heé xoorór Israeli barnaxés i awuú gaasár wa slaa', laqaá deelmoó bee/i, laqaá leei, baraá xaftá wa ale laqaá tsee/aá xafi,

TLAHHOÓ LAÁWI 17:5

Hara'ayaarí kana qaás as kahhó' xoorór Israeli hikwaaín kudá' geera ta tsu/i baraá aykú wa ale, ngiwa huwiya' dír AAKOÓ MUNGÚ, dír geeraá kaahamusmoó Mungú, nee dír afkú heémár Mungú, inós giri tsuu/, giri ilahhooár waydú wa haniis dír AAKOÓ MUNGÚ.

TLAHHOÓ LAÁWI 17:9

ala ngwa huwiiká dír geeraá heémár Mungú as nguwa gaasi dír AAKOÓ MUNGÚ, heewí aqo kun baynitis dír mukós oo Israeliro.

TLAHHOÓ LAÁWI 18:29

Muu sleémeero oo muruudá' ta waki gu tlehhiít a gár hariím kun baynitimis dír muk'ín wa aleeró.

TLAHHOÓ LAÁWI 20:16

/Ameeni bira tseewuúr dír makiito'o as tawa qaati, gár kawa hariím a gaasa, nee makiito'oodá' sleeme. Tseerduuín i gawaá daandeemooín.

TLAHHOÓ LAÁWI 20:18

Bar hhawaata nee /ameenír baraá hariímaarós ar slahhángwí dirii' taa qaát, tsaraawo gár kiwa hariím a kin baynitis dír muk'ín oo Israeliwo, asma hhawaatudá' aa qaát nee /ameenír baraá meetaá hariímaarós ar slahhángwí dirii', nee /ameenír baraá hariímaarós ar slahhángwí dirii' aa ya/aán iwa qat nee hhawaata.

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 7:18

Barnaxes fu'unaay awa ilahhooár wayda, kin /aay bál tame, ki ya/anká sleeme ki harafariiká bartá heé gaa haniis. Fu'unaydá' ki tlaakw, nee umuúqo heé gaa /ayi taa kilós tlakweemár áy.

Yohana 10:7

Yesu iri malé oó', «Án a kah, aníng an afkú doó bee/aangw.

Yohana 10:9

Aníng an afkú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Rumi 4:6

Gaarí an gár Daudi sleeme isa adoorír axweés daanduú amohhooár heedá' Mungú aa gan'amií harafaár oo tlehhma'aá koomaaká,

Rumi 5:13

Tam qoomár hara'ayár Mose kingiwa haniisiikahe, tlakweema i qaroó daadayá' baraá yaamuwo. Ala dír hara'aya iwa kahh tlakweema ki harafaariiká.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

DABE 21:8

Aá AAKOÓ MUNGÚ, mukók oo Israeli kudá' taa ba/amís gurtlaweek. Dakuúsarír gwa'arár heé dakuúsár koomaaká ma faaraar daanduú mukók oo Israeli.› Daqaní inooín kaa gurtláy daanduú dakuúsarír tsu/utaaro.