TLAHHOÓ LAÁWI 17:10 - Biblía Axweesantá Hhohho' ar Mungú 2004

¹⁰ «Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 17:10 Iomraidhean Croise

IIMU/UUNGW 9:4

Ala fu'unaá tseerer'ín aa ti'itká mi /ayaara', asma slafiingw dír i dirii'i a baraá tseere.

2 SAMUELI 23:17

Daudi iri oó', «Aníng a hariimaaká' ma'ayká ngiwa wah, AAKOÓ MUNGÚ. Xáy, ma'ayká' a adór tserér mukdá' slafingw'ín ngwa baraá tsaxwár uhisikáhe as ma'ayká' kiwa hheeki?» Gawaá adoorihe ma'ayká' Daudi gaa wahiiká. Adoorí an adór miguuseedá' tám aa tléhh.

WARA'AMI 34:16

Ala AAKOÓ MUNGÚ kudá' tlakweemaá tlehhiitá' gi sii', inooín kiri gunqaarees baraá yaamuwo.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

ESEKIELI 14:8

Aníng nee inós ti araán. Aníng inós un laya tleéhh nee slaqsaay, aníng un hingeés baraá tla/ángw xooror'eene. Diirí an didá' kawa tsaahhi adór aníng tár AAKOÓ MUNGÚ.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 33:25

«Gawaá adoorihe kibeeto, Anuú Aakoó MUNGÚ a kah, Kuungá' fu'unaay in tseerér al/agá', nee slaqsi'iidaá mungui in sluufmisá', nee tseerdu in tawo ku'umisá', xáy, ka xua' yaamuuká' kingiqo kuungá' i tsuwa haniísi?

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

TLAHHOÓ LAÁWI 17:11

Asma slafíngw umuú gaaro i baraá tseere. Hara'aya ngina haniís as tseere ngiwa huba' dír kitángw ilahhooa, as haraki/isa kawa tleehhi as kuungá'. Asma tseere i haraki/isár tlehhít, asma slafiingw i baraá tseere.

TLAHHOÓ LAÁWI 19:26

«Fu'unaá tseerér koomá' mi /ayaara', tlaa/e mi a'awaara', tam ma da/ariirimaara'.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

TLAHHOÓ LAÁWI 3:17

Kuungá' wahhna laqaá tseere ma baloó /ayaara', hara'ayaarí ka otá' baraá xwaylarhúng sleémeero umuúqo dír ta hota'a.»

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

DABE 12:16

Kár ala tseerér makayká' ma wahaamara', tseere aqo an yaamií ku'usá' adór ma'aay.

DABE 12:23

Ala ti ló'wa harmagahhe', ló' tseere ma baloó /ayaara', asma tseere a slafiingw, gimsé' slafiingw mu baloó /ayaara' dinkwa nee fu'unaay.

DABE 15:23

Ala tseereerós ma wahaar, na yaamií ku'uuseek adór ma'aáy wa ale.»

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

1 SAMUELI 14:32

Naagáy muu haasaángudá' guri hara/akuút, bee/aangw kuna uhín nee awe, nee damaay kina tsuu/ didár yaamuudaá kilá', kiri /aáy dinkwa nee tseereero.

1 SAMUELI 14:33

Muu Saulo guri báy, «Qaytsiít, mukwí aa dakuús dír geeraá AAKOÓ MUNGUHE, as adoodá' fu'unaay kiwa tseerér al/aáy.» Saulo iri oó', «Kuungaá fooluuse, gimsé' tlaa/ár ur diirí gwangwara'araare'.»