TLAHHOÓ LAÁWI 16:4 - Biblía Axweesantá Hhohho' ar Mungú 2004

⁴ «Iri hamtlín ar ma'aay, tlabaá hhohho' giri tsiit. Iri dah didá' hhoohhoo' naa qaroó tsiitín tlabaawós kudá' hhohhoe: Hiyoó hhoohhoó' oo taa tleéhh ar kitaáni ngun dahaas daanduú suruwánidár kitaánír wa ale, nee hiyaydá' tleér oo kitaáni ngwa qaroó dahaás, nee tla/aangose himuú kitaáni ngwaa tseék.

TLAHHOÓ LAÁWI 16:4 Iomraidhean Croise

TI'INAANGW 28:2

Kuúng daqaní hhiyaawók Aroni ku tlabaá hhohhó' i tléhh, kahhó' bar ku ga/áy tawa heé xiríf nee oo hhoohhoó'.

TI'INAANGW 29:4

«Daqaní Aroni nee daaqaywose ki húp ay dír afkú heémár Mungú, ki hamátl ar ma'aay.

TI'INAANGW 30:20

Dír nira dahi'iiká baraá heémaadár Mungú, laqaá dír nira naka/i'iiká dír ilahhooa as iwa gadiyusiya' as anuú AAKOÓ MUNGÚ iwa ilahhooár da/atí hanisiya', nin ala hamtliná' as kahhó' mindiwa qatliyé'.

TI'INAANGW 40:12

«Aluuwo Aroni nee daaqaywose ngi húp ay dír afkú heémár Mungú, daqaní inooín ki ma'ár hamátl.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ESEKIELI 44:19

Qoomár inooín birna ti'itiyé' amór afeenír tsee/a amór muu, tlabaaín kudá' naa dahaasiyé' qoomár tawa gadiyuusi, ki duuxi nee kiri baats baraá kutuwaydá' hhohhó'. Tlabaadá' aqo ngin warqeesiyá' nee awa hatlá' aqo ngi dahaasiyá' as muu mukuwa hhoohhooeés ar tlabaaín kudá', qoomár birti kwatimitiyá'.

ESEKIELI 9:2

Múk lahhoó' nina amór afkú gáwtá daáhh, kuduú bihhaá /iikuú ga/áw, umuú heewo i xooslár slaqwarár kón, tidár gixsa hhaamisa. Inooín nee heé wák oo tlabaá taa tleéhh ar kitaáni ti alkoná', nee inós chupiito'ór wiínoó koom ga kón. Tari sihhiít dír bihhaá kitángw muqslír sirdaa/aat oo ilahhooa hanmis.

TLAHHOÓ LAÁWI 16:23

«Naagáy Aroni iri kii/ baraá heémár Mungú, tsitaywós kudá' taa tleéhh ar kitaáni, kudá' aa dahaás qoomár iwa dahmaá ay didá' ló'wa hhoohhoo', guri duux, guri didií geexáy.

TLAHHOÓ LAÁWI 16:24

Iri didá' hhoohhoó' wa hamtlín nee tlabaawós giri dahaas, iri ti'iit, ilahhooarós ar da/a gari haniis, nee ilahhooár da/a ar múk Israeli, as haraki/isa ngiwa tleehhi as inós nee as muu sleémeero.

TLAHHOÓ LAÁWI 16:32

Kaahamusmoó Mungú oo taa paraátl nee oo taa dí/tár iimbalaáx as gadiyér baabuúwós ngiwa oohi, an heé haraki/isa ga tleéhh, nee masók tlabaadá' hhohho' awa taa tleéhh ar kitaáni ngaa dahaás.

TLAHHOÓ LAÁWI 6:10

Kaahamusmoó tsitaywós kuduú kahamuusi'iima, kudá' taa tleéhh ar kitaáni gun dahaas gawaá daanduú surwaánirós tidá' ya'a' ququmát wa ale, tidá' taa tleéhh ar kitaáni. Inós da/aradár gawaá kitángw ilahhooár da/a gari hingees, gari qaas bihhaá kitángw ilahhooa.

TLAHHOÓ LAÁWI 6:3

laqaá gár hee ar aa qwat gana sláy, inós lama gari tsaát, laqaá lo'ór lama gari /aáy daanduú umuúqo gaaro ar muu iwa dakumamisi,

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Filipi 2:7

Baraá sla'aarirose uraydá' tawa adór Mungú guri geexáy, iri adór lawaalmo tleehhiít. Iri hee tleehhiít adór atén wa ale; Iri geehhooúy ar slaqsoó hee.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.