TLAHHOÓ LAÁWI 16:2 - Biblía Axweesantá Hhohho' ar Mungú 2004

² Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

TLAHHOÓ LAÁWI 16:2 Iomraidhean Croise

1 WAAWITÁ 6:16

Kutuwidár baraá guruú do' tidá' ta bay didá' ak ló'wa hhoohhoo', kana tleéhh amór alaá do'. Kutuwidá' kana tleéhh ar peehhoó sahhta iimír baraá matla/ángw wa tleemu ay gawaá daári, tlenaangós a miíta gwaleél.

1 WAAWITÁ 8:6

Kaahamuuse sandakmooduú alqadór AAKOÓ MUNGÚ guri dahás didá' kuwa hariím, didár baraá guruú do' ar doó Mungú, didá' ak ló'wa hhoohhoo', baraá guruú hhampa'aá slaqsi'iidaá keruúbi.

2 QOM'I 5:14

Tam Kaahamuusér Mungú taa kumitiiká saaliingw tleehharo, as huunkidá' do' gwa tuuntuk. Asma Doó Mungú aa haáts xirfuú AAKOÓ MUNGUHE.

TI'INAANGW 30:10

Aroni haraki/sa ngi tleehhi gawaá xareemaá kitangwdá' baraá kurko sagaáwa wak. Gár haraki/isa ngir tleehhi a tseerér ilahhooár tlakweema hingeesa, tidá' ta hanmiisi sagaáwa wak umuúqo kurko baraá umuúqo qarto, asma kitangwsíng ku ló'wa hhoohhoó' dír anuú AAKOÓ MUNGUHE.»

TLAHHOÓ LAÁWI 16:13

Inós mooyangwdá' ngun huuw dír geeraá AAKOÓ MUNGÚ, guri baraá ásltí qaas, nee quuír mooyangwdá' kitangwduú gurtleemu, kuduú gawaá sandakmoó alqado, guri tuuntúk. Adoorí ngi tleehhi as kahhó' miwa gwaá'.

TLAHHOÓ LAÁWI 16:34

Gaarí an dákw hotaatiím ay alhhe'eesay wasle, a hariima kuwa eehada' nee haraki/isa kawa tlehhita' as múk Israeli ki/ima wak baraá kurko as tlakweemaaín sleémeero kiwa gurtlatlay.» Aroni muruuwí sleémeero guri tleéhh ar adoodá' AAKOÓ MUNGÚ Mose ngura hara'ayín.

TLAHHOÓ LAÁWI 23:27

«Bál slahhángw faanqw bar mibaangw a baalár haraki/isa. Baalaasíng an baalár dinku'uumár hhoohhoo' kawa tlehha'. An gwaawiindá', nee ilahhooár da/a kari hanisá' dír anuú AAKOÓ MUNGÚ.

TLAHHOÓ LAÁWI 8:35

Kuungá' an metá' dír afkú heémár Mungú deelo faanqw xweera nee tlaatla/aango, as tidá' AAKOÓ MUNGÚ naa hara'ayín kawa tlehhita', bara tsee/áy ti'ité' a qatlá'. Adoorí an adór aníng tira hara'ayín.»

FAARO 17:10

AAKOÓ MUNGÚ Mose guri báy, «Hhartá Aroni ki/isek dír geeraá sandakmoó alqado. Hhartí ka didií batsi, as kahhó' tawa gurbua dír mukdá' dee/aanumiita nee as qununu/ay'ín iwa faaki daandueene. Bar adooriheeká inooín i qatliyá'.»

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 4:19

Adoorí an adór inooín kir alee/is as kahhó' niwa slafiya', mindiwa qatliyé' as niwa tseewuyé' dír xosluudá' ló'wa hhohho'. Aroni nee daaqaywós ta dahi umuú heewo ku gadiyeérós i qasiisi nee xooslaarós ar i loohisi.

FAARO 4:5

«Qoomár bar lotá', Aroni nee daaqaywós ta dahi baraá heéma, nee inqwaaridá' dír geeraá sandakmoó alqado ka aweerisi, nee ngi sandakmoodár tuuntuukiye'.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

Ebrania 9:25

Slám Kristo inós aa darahiiká daqtá yaariire as tiwa haniisi, adoodá' kaahamusmoó úr oo Mungú ir dararahi umuúqo kurko ar tseerér hikwaá ilahhooa.

Ebrania 9:3

Alaá baquuwo matla/ángw hatlá' i deer, oo ta babay Didá' ak ló'wa Hhoohhoo'.

Ebrania 9:5

Gawaá daanduú sandakmoowihe kitángw gurtleemu i deer, nee gawaawose slaqsa'aá tsár awa keruúbidá' xirfayen i dayá', nee kitángw gurtleemu gwa tuntuk ar hhampe'eeri'ín. Ala daxta daanduú keruúbirihe pa/aangw i kaahh oo umuúqo gaaro kawa wakeetimaan alki/ituuwo.

Geehhoeemaá 15:8

Doó Mungú iri haáts quuiro, tidá' amór xirfuú Mungú daahh nee amór aleesleemuuwós. Slám heé dahmuú baraá Doó Mungú gwa aleeslay i kaahh ay dír malaykeedá' faanqw muxtaadá' faanqw ngay hhe'es.