TLAHHOÓ LAÁWI 14:8 - Biblía Axweesantá Hhohho' ar Mungú 2004

⁸ Aluuwo heedaádá' tlabaawós giri hhuunts, se'eengós guri deeqw, iri hamtlín, inós iri hhohhooúy. Adoorí bira hhooeér iri kii/ baraá xafi, ala i dahiiká baraá heéma ay deelo faanqw.

TLAHHOÓ LAÁWI 14:8 Iomraidhean Croise

2 QOM'I 26:21

Naagáy waawutmo Usia tiqti guri alkoón ay gwa'ararós. Ina hoót baraá doó tawa kilós, kwaa pa/ángwií hanisiiká iwa dahi baraá Doó Mungú. Qoomaarihe garmaawós Yotam múk do'ós guna /aymiís nee múk yaamuuda' guna sawaawuti'ín.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:14

Naagáy Mose iri gawaá tloomár wa aweér, muu guri hhoohhooeés, tlabaaín ngiri hhuuntsiyé'.

TLAHHOÓ LAÁWI 11:25

Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 14:20

Kaahamusmoó Mungú ilahhooár da/a gari haniis nee ilahhooár balaango gawaá kitángw ilahhooa, gawaá adoorihe kaahamusmoó Mungú haraki/isa gari tleehh as daanduú heewí, heedaádá' iri hhoohhooúy.

TLAHHOÓ LAÁWI 14:9

Bál faanqwe se'eengós sleémeero nee daamoode nee hhamhhamaá ilaawo giri deeqw. Naagáy tlabaawós giri hhuunts, iri hamtlín ar ma'aay, inós iri hhoohhooúy.

TLAHHOÓ LAÁWI 15:13

«Hhawaatuú malalaáhh bira hunguú/ gár kuwa hariím in dán deelo faanqw dír meetaawós nira faaki'iiká. Tlabaawós giri hhuunts, nee iri hamtlín ar ma'aá kutli, iri hhohhooúy.

TLAHHOÓ LAÁWI 8:6

Mose Aroni nee daaqaywós ngiri huúw, giri hheehhe'eés ar ma'aay.

FAARO 6:9

«Ala barnaxes hee aa gaanslár gwaá' bihhaá heedá' al'axweesani gaa oo', se'eengós kudá' aa máy as al'axweesani kuri meetagaás, bál faanqw inós bar ku hhohhoees, se'eengós ku deeqwi.

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

DABE 21:12

kuúngudá' /ameenidá' aga sla' ar watleek amór do'ók, sagós ngu deqw, nee fuqeeniiwós ngi tsat.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.