TLAHHOÓ LAÁWI 14:7 - Biblía Axweesantá Hhohho' ar Mungú 2004

⁷ Naagáy tseereedá' gari hikimiis gawaá heedaádá' taa hhoohhooeés ay ki/ima faanqw. Iri ooi heedaádá' aa hhoohhooúy. Tsir/idá' slaaf kay geemáy, iri tleér baraá sla/a.

TLAHHOÓ LAÁWI 14:7 Iomraidhean Croise

2 WAAWITÁ 5:10

Elisha hee guri ya/aáw amór Na'amani, nguwa bay, «Tláw, hamtlo aweek baraá yaaér Yordani sagaá wa faanqw, slaqwtók daqaní i adoodií kí/, kuúng tari hhoohhoouúr.»

2 WAAWITÁ 5:14

Naagáy Na'amani iri tláy ay baraá yaaér Yordani, iri /eét sagaá wa faanqw ar adoodá' Elisha heé Mungú ngira oó'. Inós iri ló'wa huunguú/. Kaahartá slaqwtós iri hhoohhouúr adór tiqár na/oó niiná.

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 13:13

daqaní kaahamusmoó Mungú heedaádá' ngu xuuxuui, nee barnaxes tiqtír tsatmit slaqwtá heedá' gaa aleetsát, inós ngu xu'utisi tawa heé aa hhoohhoouy baraá tiqtirose, asma slaqwtós sleémeero iwa /awaakuúr inós aa hhoohhooúy.

TLAHHOÓ LAÁWI 13:17

Nee kaahamusmoó Mungú heedaádá' ngu xuuxuui. Barnaxes didaádá' aáng tiiq aa /awakuúr, ngu xu'utisi tawa heé aa hhoohhoouy, nee daqaní inós aa hhoohhooúy,

TLAHHOÓ LAÁWI 14:51

Parhhamtá sahhti nee halmír hisoópo nee se'éngw da/atén oo bee/aangw, dinkwa nee tsir/idá' slaaf giri /aytiis sleémeero baraá tseerér tsir/idá' taa gaás nee ma'aydaá kutli, naagáy gari hikimiis ki/ima faanqw baraá do'dií ale.

TLAHHOÓ LAÁWI 16:14

Tseerér awuudá' gari bahh diitsarós ar tikiis gari hikimiis bihhaá da/aáw awa kitangwduú gurtleemu, nee geeraá sandakmooduú alqado ki/ima faanqw.

TLAHHOÓ LAÁWI 16:19

Tseereedá' gari hikimiis ar diitsa ki/ima faanqw gawaá kitángw ilahhooa, guri paraatl, gari hhohhoees slasla/areema sleémeerowo awa múk Israeli.»

TLAHHOÓ LAÁWI 16:22

Gurtuudá' kway huuw baraá xaanxaay dír múk koomaaká, inós tlakweemaaín sleémeero gaa gagaár.

TLAHHOÓ LAÁWI 4:17

Tseereedá' gari tikiis ar diitsarós, gari hikimiis ki/ima faanqw dír geeraá AAKOÓ MUNGÚ didár inqwaarír dahmaá didá' ak hhoohhoo'.

TLAHHOÓ LAÁWI 4:6

Kaahamusmo gari tikiis ar diitsarós, gari hikimiis ki/ima faanqw dír geeraá AAKOÓ MUNGÚ didár inqwaarír dahmaá didá' ak hhoohhoo'.

TLAHHOÓ LAÁWI 8:11

Di/i gari taataáhh, gari hikiís gawaá kitángw ilahhooa ki/ima faanqw, kitángw ilahhooa nee xosluuwós sleémeero giri paraátl, nee iimpe nee kitaangose.

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

FAARO 19:12

Bál tám nee bál faanqwe heewí i hamtlin ar ma'aydaá hheehhe'eesa, inós daqaní ku hhoohhoó'. Ala barnaxes aa hamtlinká bál tame nee bál faanqwe, heewí i baraá meetá wa kumamiit.

Yohana 19:34

Askaarmoó wák bihhaá Yesu giri muút ar lawala, nee hamtidár kilae tseere nay ti'ít nee ma'aay.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 9:13

Asma tseerér gurtaawe nee ar awe, nee da/arár damaay barnaxes kaa tsifaqamiís gawaá slaqwaá mukdá' ta harmeetin, mukdá' guri hhoohhooés,

Ebrania 9:19

Asma Mose adoorí gana tleéhh, gár har geera a hara'ayár Mungú sleémeero gana alki/iít dír mukdá' aa burumburiit. Aluuwo tseerér damaay nee ar gurtaawe gari taataáhh, dinkwa nee ma'aay, tseere gari hikimiís ar se'engw da/atén oo bee/aangw nee loo/ór hisoópo, gawaá Kitaábu nee amór muu sleémeerowo,

Ebrania 9:21

Slám tseere gari malé hikimiís gawaá heémaadá' nee gawaá xoosla sleémeero ar tara gadiyuús baraá saaliingo.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Yohana 5:6

Yesu Kristo an kwí naa hardah ar ma'aay nee tseere. Naa hardihiiká ar ma'aay kilooín, ala nina hardáh ar ma'aay nee tseere. Qeeru an kudá' gu lamabu'uúm, asma Qeeru a looeema.