TLAHHOÓ LAÁWI 14:3 - Biblía Axweesantá Hhohho' ar Mungú 2004

³ Kaahamusmoó Mungú gun ar tláy ay tsee/aá xafi, as nguwa ari áx aa hunguú/i.

TLAHHOÓ LAÁWI 14:3 Iomraidhean Croise

2 WAAWITÁ 5:14

Naagáy Na'amani iri tláy ay baraá yaaér Yordani, iri /eét sagaá wa faanqw ar adoodá' Elisha heé Mungú ngira oó'. Inós iri ló'wa huunguú/. Kaahartá slaqwtós iri hhoohhouúr adór tiqár na/oó niiná.

2 WAAWITÁ 5:3

Looarka wake dasi harér Na'amáni gana beér, «Ís geera a tsiní aakooeé' bira amór aarusmookó káy oo yaamaá Samaria, geeraawo baraá tiqtirihe ku hungu/uus.

YOBU 5:18

Asma inós hee gun slahh'eemiis, slamí guri malé hubín baraá slahh'amuuwo, Inós hee gun muux guri hungu/uumiis.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TLAHHOÓ LAÁWI 13:2

«Barnaxes hee aa xir'imiít laqaá deei gwaa ót, laqaá hhoslit gwaa áy, nee kari tsaáhh adór tar tiqtír tsatmit, ku huwi dír Aroni, kaahamusmoó Mungú, laqaá dír garmaawós oo kaahamusmo.

TLAHHOÓ LAÁWI 13:46

Inós in baraá meetaá wa hoot deelo sleémeero ar iwa tiqtír tsatmituú kon. Inós i baraá meeta, nee in tsee/aá xaftá wá hoot.»

TLAHHOÓ LAÁWI 14:48

«Ala barnaxés do'dá' kwaa tsee/aarín nee kaahamusmoó Mungú, tiqtír tsatmit aa tsiyayaxatiká alaá na/amisuuwo, kaahamusmoó Mungú kaangw ngu ooi adór do'dá' ira hhoohhooúy, nee tiqtír tsatmit ira fák.

Matayo 10:8

Tiqtuuse hungu/uumisaak, nee múk aa qaatl waasle/atimisaak, nee múk tiqtír tsatimit hhoohhooeemisaak. Neetlaame duxumaak. Aga tawó sleeré', tawo hanmiisaak.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Luka 4:27

Slám malé alé múk tiqtír tsatmit ku úr baraá yaamaá Israeliwo qoomár aarusmo Elishawo, ala oo taa hungu/uús i kaahh, aqo har Na'amani, heé yaamaá Shamu.»

Luka 7:22

Yesu mukdá' tinda ya/aáw guri báy, «Tlawsé', tí taa aandé' nee taa axasé' Yohane ti beere', gídaabá taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iiawasle i axamiis, tu'u ki waaslee/atimis, nee liitlakuuse ka Ya/abtór hhó' i alki/iit.