TLAHHOÓ LAÁWI 14:10 - Biblía Axweesantá Hhohho' ar Mungú 2004

¹⁰ «Bál dakaate deelmoó gwaanda oo xaslxaansli wásl, nee dareemír kurkú wák ar xaslxaansli wasl, nee kílo tám ar puuruú natsaatsaá' oo taa dí/tí aleedoók, as ilahhooár bu'uungw, dinkwa nee di/tá niina ar tlaqtá liíta gaa eeriiká ngiri huuw.

TLAHHOÓ LAÁWI 14:10 Iomraidhean Croise

TI'INAANGW 29:40

Gwaanduduú matlaatle un hanís dinkwa nee kílór wák ar puuruú natsaatsaá', oo taa aledoók nee di/tá hhohho' ar har liítár wák nee difaáír liíta wak, as kahhó' tawa ilahhooár muruú wahaangw.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 14:11

Heedaádá' taa hhoohhooeés kaahamusmoó Mungú guri huuw dír geeraá AAKOÓ MUNGÚ, bihhaá afkú heémár Mungú, dinkwa nee muruuwós kudá' sleémeero naa huwi.

TLAHHOÓ LAÁWI 14:12

Kaahamusmoó Mungú deelmooduú gwaanda oo wák guri oh dinkwa nee di/tá niina ar tlaqtá liíta, gari haniis as ilahhooár dakuús hingeesa wa ale, giri gáwtí tlees as ngiwa haniisi dír AAKOÓ MUNGÚ.

TLAHHOÓ LAÁWI 14:15

Naagáy kaahamusmoó Mungú di/tá niiná ar tlaqtá liíta gari qaas baraá dakós oo doó basáy.

TLAHHOÓ LAÁWI 14:21

«Ala barnaxes heedaádá' a narkutmo, a heé aleesleemuú koomaaká, inós deelmoó wák oo gwaanda ngu huwi, tawa ilahhooár dakuús hingeesa oo ta gáwtí tleesi as kuwa haniisi dír Mungú as heedaádá' kuwa haraki/isárí tleehhi. Sleeme kílór wák ar puuruú natsaataá' oo taa aleedoók nee di/tá niina ar har tlaqtá liíta ngi haniisi tawa ilahhooár balaangw.

TLAHHOÓ LAÁWI 2:1

«Umuúqo heé ilahhooár bu'uungw nga huuw dír AAKOÓ MUNGÚ, ilahhooarí masók a puuruú natsaatsaá'. Heedá' ilahhooa ngaa huuw puuruúdá' gun dí/tí qaas, nee mooyángw tsuú' sleeme guri baraadií qaas.

TLAHHOÓ LAÁWI 2:11

«Ilahhooár bu'uungw ar taa sluuftís ka hanisiiká dír Mungú, asma ar taa sluuftís nee danú ki waak kawa da/i as AAKOÓ MUNGÚ.

TLAHHOÓ LAÁWI 2:13

Ilahhooarók sleémeero ar bu'uungw ka díwtí qamiín, diwi ma baloó mawaar kawa qamiin baraá ilahhooarók ar bu'uungo, asma diwi an layár alqadór Mungú aa tleéhh nee kuungá'.

TLAHHOÓ LAÁWI 23:13

Dinkwa nee tisinge ilahhooár bu'úngw afi qoomár kílo tsár ar puuruú natsaatsaá' oo taa aleedoók nee di/i ngun hanisá' dír anuú AAKOÓ MUNGÚ ar asla, nee slaahhareeriiwós aníng iri sla'atisiyá'. Ilahhooarós ar wahaangw a liíta wak ar difaái.

TLAHHOÓ LAÁWI 4:32

«Bar hee gár naa huúw a bee/i as ilahhooár tlakweema hingeesa, ala masók gár ni huwi a dareemír bee/i ar xaslxaansli wasl.

TLAHHOÓ LAÁWI 9:1

Deelo dakaát iwa waaráhh, alaá deeloodá' faanqw ar hariímár paraatla, Mose Aroni nee daaqaywose giri ateét dinkwa nee bariisér Israeli.

FAARO 28:20

Umuúqo awuuwo kun ilahhooár balángw alhaniis ar kílo tám ar puuruú natsaatsaá' oo ta aleedoók nee di/i, nee gwaanda kun kílo tsár alhaniis.

FAARO 6:14

nee AAKOÓ MUNGUÚWÓS ngu qeemúy huwi oo deelmoó gwaanda oo kurkú wák oo xaslxaansli wásl as tawa ilahhooár da/a, nee dereemír bee/i ar kurkú wák ar xaslxaansli wasl, as kawa haniisi tawa ilahhooár tlakweema hingeesa, nee gwaanduú xaslxaansli wásl as tawa ilahhooár wayda.

FAARO 7:43

Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

Matayo 8:4

Yesu guri báy, «Ga/aaweek, tí ma heé bawaar, ala tláw, ti laqaan dír kaahamusmoó Mungú. Muruudá' Mose aa hara'ayín haniiseek, as kahhó' inooín adór kuúng tara hungú/ ngiwa ariya'.»

Marko 1:44

guri báy, «Ga/aaweek, hee mu /aymuú bawaar, ala tláw ti laqaan dír kaahamusmoó Mungú. Muruudá' Mose aa hara'ayín haniiseek asma hungu/umaawók, as tí iwa lamabu'uungw tleehhit dir'ine.»

Luka 5:14

Guri báy, «Tí ma heé bawaar, ala tláw ti laqaan dír kaahamusmoó Mungú. Ilahhooadá' Mose aa hara'ayín asma hungu/umaawók haniiseek, tí i lamabu'uungw tleehhit dir'ine.»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.