TLAHHOÓ LAÁWI 13:6 - Biblía Axweesantá Hhohho' ar Mungú 2004

⁶ Kaahamusmoó Mungú heedaádá' bál faanqwe gway malé ar, axáy tiqtirós a tsiníhe, laqaá aa tsiyayaxát. Gawaá adoorihe kaahamusmoó Mungú kaangw gway oo' adór heewí kur hhoohhoó'. Gadaádá' a har deei kilós. Heedaádá' tsitaywós gway hhuunts, nee slaqwtós iri hhooeér.

TLAHHOÓ LAÁWI 13:6 Iomraidhean Croise

1 WAAWITÁ 8:38

na'ás gár mukók Israeli naaqo firini ya/aameek, laqaá tidá' umuúqo heewo naa firín, laqaá mukók oo Israeli sleémeero. Umuú heewo bar slahh'amuú baraá muunaáwós ngwaa xuú' bar ugwa firín dabaawós gaa tleés amoorók, iiárií qaaseek.

1 WAAWITÁ 8:45

na'ás, firor'ín nee harhhehhe'eemisuuine axaaseek iimír gawaá doorí wa ale, inooín arba/ati ngi slaye' baraá slaqwaraaro.

WARA'AMI 19:12

Ala heé dakuúsarós tsaahharo ga asláw a heemá? AAKOÓ MUNGÚ, tlakweemaá tsaahharo ni aslawaakahe gurtlawáng.

AXWEESANOÓ SAGALOOA 20:9

Heé /aymuuwí ooaro gu qiítl kwí káh, «Muunaáeé' ugwa hhoohhooeés. Tlakweemaaeé' sleémeero iga hheehhe'eés.»

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

ISAYA 42:3

Inós daaír qetángw slaa' ga geeqayká. Tam taámbír quu' ga gaasiiká. Sakwasleemár ganaa' gan huuw ar inkihhimu.

TLAHHOÓ LAÁWI 11:25

Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 11:28

Heé taa slasla/arees ar tuuaarí ngiwa gagaár, tlabaawós gin hhuunts nee inós kwaa meetagaás ay tsiindo, asma kuká' ki waak dirhunge.

TLAHHOÓ LAÁWI 11:40

Hee bar tuua gaa /aáy, tsitaywós ngu hhuuntsi, kwaa meetagaás ay tsiindo. Nee umuúqo heewo oo tuua gaa gagaar kwaa meetagaás ay tsiindo.

TLAHHOÓ LAÁWI 13:2

«Barnaxes hee aa xir'imiít laqaá deei gwaa ót, laqaá hhoslit gwaa áy, nee kari tsaáhh adór tar tiqtír tsatmit, ku huwi dír Aroni, kaahamusmoó Mungú, laqaá dír garmaawós oo kaahamusmo.

TLAHHOÓ LAÁWI 13:5

Bál faanqw kaahamusmoó Mungú heedaádá' ngu malé ari. Barnaxes tiqtidá' aa tsiyayaaxatiká baraá kaahartós, ngu malé paraatli deelo faanqwe.

TLAHHOÓ LAÁWI 13:7

Alaá inós tiwa dír kaahamusmówí laqán kuwa hhohhoeesi, barnaxes deeidá' aa tsiyayaaxát, inós aqo in malé kii/ amór kaahamusmoó Mungú as tiwa laqan.

TLAHHOÓ LAÁWI 14:8

Aluuwo heedaádá' tlabaawós giri hhuunts, se'eengós guri deeqw, iri hamtlín, inós iri hhohhooúy. Adoorí bira hhooeér iri kii/ baraá xafi, ala i dahiiká baraá heéma ay deelo faanqw.

Rumi 14:1

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

DABE 32:5

Ala kuungá' tundu inkihhimu wásl dirose. Kuungá' a hariinda'aaká tawa na/iiwós. Kuungá' a qartá tlakuuse nee ar aa qwat.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.