TLAHHOÓ LAÁWI 13:2 - Biblía Axweesantá Hhohho' ar Mungú 2004

² «Barnaxes hee aa xir'imiít laqaá deei gwaa ót, laqaá hhoslit gwaa áy, nee kari tsaáhh adór tar tiqtír tsatmit, ku huwi dír Aroni, kaahamusmoó Mungú, laqaá dír garmaawós oo kaahamusmo.

TLAHHOÓ LAÁWI 13:2 Iomraidhean Croise

2 SAMUELI 3:29

Lo'ór gaasár Abneri Yoabu ngu /aa/ak, nee múk do'ós sleémeero! Tiqtír slaangeetamo baraá múk doó Yoabuwo miwa hee dakús, laqaá tiqtír tsatmit ngu sleer, laqaá heé tiqti aa hhitiín oo qadiisár hi'iimiít ngu slay, laqaá baraá do'ose oo taa gaasi ar paánga miwa kahhuút, laqaá oo muruú /ayma gu dakuús miwa kahhuút.»

2 WAAWITÁ 5:1

Na'amani, geeraharusmoó slaqwaruusér waawutmoó Aramu, inós an heé ló'wa iia tleér, nee oo ta ló'wa slai nee aakoowós, asma ar loohír inose AAKOÓ MUNGÚ yaamuuín gina arba/atírí haniís. Inós an slaqwarusmoó pihhusmo, ala inós i tiqtír tsatmituú kón.

2 WAAWITÁ 5:27

Gawaá adoorihe tiqtidár tsatmit ar Na'amani kuúng u ot, nee xwaylarók sleémeero, tam ay alhhe'eesay wasle.» Naagáy Gehasi iri tláy didae nee slaqwtós tiqtír tsatmit gaa qaroó ót, kaahartós aa /awaakuúr adór tlaa/aá tluwaay.

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ISAYA 3:17

Gawaá adoorihe anuú Aako /ameenár Siyoni an slaáhh ar sager'ín deei ngiwa uhiin, se'eemer'ín an deéqw, Anuú AAKOÓ MUNGÚ inooín ngiri /ankweetsiís.»

TLAHHOÓ LAÁWI 13:1

AAKOÓ MUNGÚ Mose nee Aroni giri báy,

TLAHHOÓ LAÁWI 13:3

Kaahamusmo dír tiqtír koom ngi xuuxuui. Barnaxes se'éngw didá' aa /awkuukúy, nee tiqti aa geehhoouúr adór ir baraá kaahartá slaqwtós i dirí', a tiqtír tsatmit. Kaahamusmoó Mungú burngwa hhe'eés xuuxuaro, kaangw gway xu'utis as heewí kuwa harmeetin.

TLAHHOÓ LAÁWI 13:8

Kaahamusmoó Mungú heedaádá' guri malé xuuxuu'. Barnaxes deeidá' heedá' gwaa altsiyayaaxát, daqaní kaahamusmoó Mungú heedaádá' guri xu'utis tawa heé ta harmeetin, asma gaa a tiqtír tsatmit.

TLAHHOÓ LAÁWI 14:3

Kaahamusmoó Mungú gun ar tláy ay tsee/aá xafi, as nguwa ari áx aa hunguú/i.

TLAHHOÓ LAÁWI 14:35

Ala heé do'dá' gwa i dah kaahamusmoó Mungú ngu bay, ‹Dooeé' i dir/akuú tiqtír tsatmituú kón.›

TLAHHOÓ LAÁWI 14:56

nee xiri'ima nee um'i nee sliiqi.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 12:10

Qoomár huunkidá' iwa gáwtí tleér gawaá daanduú heémaro, naxés Miriamu tiqtír tsatmit gaa sleér, ina /awakuúr adór tlaa/aá tluwaay. Aroni iwa qaytsiít amór Miriamu, naxés i tiqtír tsatmituú koón.

FAARO 12:12

Gám Miriamu ma adór gurkwahhama tleehhaar, tidá' slaqwtós sleémeero aa lak tsutsu' iimír kingiwa laqwaali.»

Matayo 8:4

Yesu guri báy, «Ga/aaweek, tí ma heé bawaar, ala tláw, ti laqaan dír kaahamusmoó Mungú. Muruudá' Mose aa hara'ayín haniiseek, as kahhó' inooín adór kuúng tara hungú/ ngiwa ariya'.»

Marko 1:44

guri báy, «Ga/aaweek, hee mu /aymuú bawaar, ala tláw ti laqaan dír kaahamusmoó Mungú. Muruudá' Mose aa hara'ayín haniiseek asma hungu/umaawók, as tí iwa lamabu'uungw tleehhit dir'ine.»

Luka 17:14

Ngiwa ár, giri báy, «Tlawsé' ti laqaande' dír kaahamuusér Mungú.» Nee qoomár tawa daqay, tana hhoohhooúy.

Luka 5:14

Guri báy, «Tí ma heé bawaar, ala tláw ti laqaan dír kaahamusmoó Mungú. Ilahhooadá' Mose aa hara'ayín asma hungu/umaawók haniiseek, tí i lamabu'uungw tleehhit dir'ine.»

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.