TLAHHOÓ LAÁWI 12:8 - Biblía Axweesantá Hhohho' ar Mungú 2004

⁸ «Barnaxes deelmoó bee/i ku aleeslayká haniisaro, hhookár tsár ka huwi, laqaá na/aá hhooka awa tsár, ar wák as ilahhooár da/a, nee ar hatlá' as ilahhooár tlakweema hingeesa. Kaahamusmoó Mungú haraki/isa gari tleehh, inós iri hhoohhoouúr.»

TLAHHOÓ LAÁWI 12:8 Iomraidhean Croise

TLAHHOÓ LAÁWI 1:14

«Barnaxes hee AAKOÓ MUNGÚ gu ilahhooár dá/átí haniisár wa slaa' ar tsir/i, masók a hhooki laqaá na/oó hhooki ngu tsawaari, as kuwa ilahhooár wa hup.

TLAHHOÓ LAÁWI 12:7

Kaahamusmo gan dír geeraá AAKOÓ MUNGÚ i haniis, /ameenidá' gari haraki/isárí tleehh, inós iri hhoohhoouúr baraá tseerduuwose. Gaarí tari dawa dír /ameenár na/oó garma gwaa xwayluur laqaá oo dasi.

TLAHHOÓ LAÁWI 13:1

AAKOÓ MUNGÚ Mose nee Aroni giri báy,

TLAHHOÓ LAÁWI 14:21

«Ala barnaxes heedaádá' a narkutmo, a heé aleesleemuú koomaaká, inós deelmoó wák oo gwaanda ngu huwi, tawa ilahhooár dakuús hingeesa oo ta gáwtí tleesi as kuwa haniisi dír Mungú as heedaádá' kuwa haraki/isárí tleehhi. Sleeme kílór wák ar puuruú natsaataá' oo taa aleedoók nee di/tá niina ar har tlaqtá liíta ngi haniisi tawa ilahhooár balaangw.

TLAHHOÓ LAÁWI 14:22

Hhooka tsár laqaá na/aá tsár awa hhooka ngi huwi ar adór aleesleemuwós, ar wák tawa ilahhooár tlakweema hingeesa, nee tooka tari ar ilahhooár da/a.

TLAHHOÓ LAÁWI 15:14

Bál dakaate gár kuwa hariím a hhooka tsár, laqaá na/aá tsár awa hhooka gin huuw dír geeraá AAKOÓ MUNGÚ, dír afkú heémár Mungú, nee gari haniis dír kaahamusmoó Mungú.

TLAHHOÓ LAÁWI 15:15

Kaahamusmoó Mungú giri haniis, ar wák as ilahhooár tlakweema hingeesa, nee ar hatlá' as ilahhooár da/a. Kaahamusmoó Mungú heedaádá' guri haraki/isárí tleehh dír geeraá AAKOÓ MUNGÚ wa ale, as iwa malalaáhh.

TLAHHOÓ LAÁWI 15:29

Bál dakaate hhooka tsár laqaá na/aá tsár awa hhooki ngi hup dír kaahamusmoó Mungú dír afkú heémár Mungú.

TLAHHOÓ LAÁWI 4:26

Wahhna sleémeero ar gurtuudá' gan daa/ gawaá kitángw ilahhooa, adór wahhnár gár taa ilahhooár waydú wa gaás ka /imaamisi. Gawaá adoorihe kaahamusmo haraki/isa gan tleehh as geeraharusmoodá', inós kway gurtláy.

TLAHHOÓ LAÁWI 5:11

«Barnaxes hhooka tsár ga aleeslayká laqaá na/aá tsár awa hhooka, tawa ilahhooár tlakweemaadá' aa tleéhh hingeesa, puuruú kílór wák ngu huwi, ala munguwa dí/tí qaás laqaá mooyángw tsuú', asma gaarí a ilahhooár tlakweema hingeesa.

TLAHHOÓ LAÁWI 5:7

«Ala barnaxes dareemír bee/i ga aleeslayká hanisaro as tawa ilahhooár dakuúsarós hingeesa, as tlakweemaá aa tleéhh, inós hhookár tsár ngi haniisi, laqaá na/aá tsár awa hhooka, oo wák as tlakweema hingeesa, nee oo hatlá' tawa ilahhooár da/a.

Matayo 21:12

Yesu iri dáh baraá Doó Mungú, muu sleémeero, kudá' muruú weerimiís nee kudá' muruú tlaxuuma guri baraá Doó Mungú wa gusiisín. Meesadaá múk peésár gaamiís giri /aankwartsín, nee kiteeraá múk hhookár weerimiisa.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.