TLAHHOÓ LAÁWI 11:8 - Biblía Axweesantá Hhohho' ar Mungú 2004

⁸ Asma makayká' kiwa waki, mi /ayaara', laqaá tu'uuín mi kwatitara'.

TLAHHOÓ LAÁWI 11:8 Iomraidhean Croise

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

TLAHHOÓ LAÁWI 11:7

Baynamo mu /ayaara' tam fuqeeniwós kaa qasiisi, asma i /aaruusiiká. Inós ku waak /aymaaro dirhunge.

TLAHHOÓ LAÁWI 11:9

«Siyó sleémeero oo baraá tlawi, laqaá oo baraá yaae, i harín kuwa /aga', barnaxes i hhampa'aá kón nee darqeefoowo.

TLAHHOÓ LAÁWI 5:2

«Laqaá barnaxes heeko baraá tla/angwhunge taa meetagaás ar adór aa haraxuiiká, tuuár makiito'ór sla/a gari kwatiít, laqaá ar slee, laqaá ar muruú ququmát, heewí i dakuúsár kón.

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Matayo 15:20

Muruuwí an muruudá' hee gu meetagaás. Ala heé daba' gaa hamaatliiká dír /aymaaro, i meetagwaaiiká.»

Marko 7:15

Gár hee i /ayi, gu meetagaská, ala tidá' baraá muunuú heé daahh, an tidá' gu meetagaas. [

Marko 7:18

Giri báy, «Tam kuungá' sleeme gár ta xua' i káhha? A xua'aakáhe adór gár hee aa /aáy muunaáwós ngur meetagaská,

Marko 7:2

Eeharuusér Yesu kari bahh ár ta /ayín ar dabaá taa hamatliiká ar adoodá' uunuú múk Farisayo i kaahiya', kudá' daba' kiwa hamaatli qoomár bar ta /ayín.

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

1 Korinto 8:8

Ala muruú /ayma atén ti hardahaasiiká amór Mungú. Fu'unaay bira mawaán /aymaaro, gár atene /aaruw i káhh. Nee bira /ayaán, gár atene doogiim i káhh sleeme.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

Efeso 5:7

Gawaá adoorihe nee múk adór kwí ma aldinku'uumisaara'.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.