TLAHHOÓ LAÁWI 11:44 - Biblía Axweesantá Hhohho' ar Mungú 2004

⁴⁴ Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 11:44 Iomraidhean Croise

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

TI'INAANGW 16:12

«Aníng qununu/oó múk Israeli ugwa axaás. Inooín ki beer, ‹Qoomár tsiindoowo fu'unaay in /agá', nee matlaatleero gur'e an dala/aandá' mikaáteero. Daqaní kuungá' kari tsahhá' adór aníng tar AAKOÓ MUNGÚ Munguúhúng.› »

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 22:30

Adoorí an tlehhá' sleeme dír na/aá baris awa hikwaahúng nee awa bee/angwhunge. Na/oó slee in dír aayírós wa du'ún deelo faanqw, bál dakaate ngu aníngí haniisá'.

TI'INAANGW 22:31

«Kuungá' daqaní a múk taa paraátl as aníng, gawaá adoorihe fu'unaá makiito'ór taa gaás nee makiito'ór sla/a mi /ayaara'. Fu'unaysíng seeaawe ti hanise'.»

TI'INAANGW 23:25

Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 51:15

Aníng a AAKOÓ MUNGÚ, Munguúwók, aníng tlawi an /eera gaás nee gwaanduú ma'aay iri /orootl. Umuueé' an AAKOÓ MUNGÚ Aleesleemusmo.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 11:43

Gawaá adoorihe muruú gur'eérár hi'iimiít munduwa meetagaás as kuwa /agé', kuungá' tiri meetagasá'.

TLAHHOÓ LAÁWI 18:2

«Xoorór Israeli na baweek, aníng an AAKOÓ MUNGÚ, Munguúhúng.

TLAHHOÓ LAÁWI 19:10

Tam sabiíbu aa meet baraá qaymo mu burumburiimara', tam mamaá sabiíbuuhúng awa na paahhiye' mi sleemisaara'. Mawaak as narkuute nee hoomár dabe kaaharen ar baraá ayaahúng hoot. Aníng an AAKOÓ MUNGÚ, Munguúhúng.

TLAHHOÓ LAÁWI 19:2

«Xoorór Israeli sleémeero ka beer: Kuungá' masók tundu hhohhó', asma anuú AAKOÓ MUNGÚ, Munguúhúng ti hhoohhoó'.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:4

«Ma warqawaara' amór munguaá' murslaaqat, tam munguaá murslaaqat mi tlehhitara'. Aníng an AAKOÓ MUNGÚ Munguúhúng.

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

TLAHHOÓ LAÁWI 20:7

Gawaá adoorihe ti partle' dír múk tlakwe as tawa múk hhohhó' tleehhita', asma aníng an AAKOÓ MUNGÚ Munguúhúng.

TLAHHOÓ LAÁWI 21:8

Kaahamusmoó Mungú ku tsáhh adór tar heé taa paraátl, asma inós an heé ilahhooár muruú /ayma ngi hanmiís dir'eé', kaahamusmoó Mungú un tsáhh kuwa hhoohhoó', asma anuú AAKOÓ MUNGÚ, kudá' kuúng ugwa paraatl ti hhoohhoó'.

AMOS 3:3

Xáy, múk tsár taqo tsuwa al'aa'aá káya barnaxes taa kaahi slay'iiká?

FAARO 15:40

Afuuntluráywí kuungá' hara'ayar'eene nu inslawtamisi, nee adoodá' hara'ayar'eé' sleémeero i kat ka boo/esá', kuungá' daqaní a muk'eé' oo hhohhó'.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

YOSHUA 24:19

Ala Yoshua mukdá' guri báy, «Kuungá' AAKOÓ MUNGÚ sagadiyede u asleera'aaká, asma inós a Munguú hhoohhoó'. Slám a Munguú da/itá koóm, nee inós tlakweemaahúng nee dakumisuhunge gi gurtlayká.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 22:11

Heé /aytusmo i kumiiti baraá /aytaarose. Heé slasla/aruú tlehhaahhiít i kumiiti baraá slasla/aruwose. Heé hota ganaá' i kumiiti baraá gan'amuuwo, nee heé hhoohhoó' i kumiiti tiwa hhoohhoeemisi.»

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.

1 SAMUELI 6:20

Múk Bet-shemeshi tari oó', «Heé sihhtanór dír geeraá AAKOÓ MUNGÚ, Munguúwí hhoohhoó', ga aleesláw a heemá? Sandakmoowí amorqaá amá i xui, as kahhó' ayaarén nguwa geexay?»