TLAHHOÓ LAÁWI 11:42 - Biblía Axweesantá Hhohho' ar Mungú 2004

⁴² Umuúqo gaaro ar ya'a wasl, eeít, tam gár gurúr hi'iimiit ar ya'aawós, laqaá ar ya'aá yaariir nee umuúqo gár hi'iimita ar gura' ma /ayaara', asma ka waak dirhunge.

TLAHHOÓ LAÁWI 11:42 Iomraidhean Croise

IIMU/UUNGW 1:20

Mungú iri oó', «Ma'aay i hatsiye' muruú slafa, nee tsir/ór baraá yaamaá kaahaar ar gáwtí tlatlaw i deerut.»

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

TLAHHOÓ LAÁWI 11:41

«Umuúqo gaaro ar gurúr hi'iimita baraá yaamuwo, ma baloó /ayaara', ka waak dirhunge.

TLAHHOÓ LAÁWI 11:43

Gawaá adoorihe muruú gur'eérár hi'iimiít munduwa meetagaás as kuwa /agé', kuungá' tiri meetagasá'.

MIKA 7:17

Inooín tay hi'imiit ar gur'e hhape ngiri naatsiná' adór dayshe, niri baraá boh'er'ín wa ti'iitiyá' ar dae nee daaraxaay. Inooín de'eero nay amór AAKOÓ MUNGÚ, Munguúrén, i hardihiyá'. Niri dír geeraawósí sihhitiyá' ar de'e

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

2 korinto 11:13

Asma múk adoorí a ya/abuusér loeeká, ala a ya/abuusér lama. Inooín a múk gadiyér tleéhh ar al/ayma, nee slám inooín kilooín tin slaqsoó ya/abuusér Kristó tlehhiitiyá'.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

Tito 1:12

Heé ayaaín, nee slám a aarusmooín oo kilá' ina oó', «Múk Krete a lamuuse umuúqo deelooro, inooín a makaá tlakw, slám a hheehhuuse nee a tli/uuse.»