TLAHHOÓ LAÁWI 11:25 - Biblía Axweesantá Hhohho' ar Mungú 2004

²⁵ Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 11:25 Iomraidhean Croise

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:14

Naagáy Mose iri gawaá tloomár wa aweér, muu guri hhoohhooeés, tlabaaín ngiri hhuuntsiyé'.

TLAHHOÓ LAÁWI 11:24

«Makaay bahh'ale tu'uuín birka kwatimiít, hee ngun meetagaasiyá' ay tsiindo.

TLAHHOÓ LAÁWI 11:26

Makiito'ór fuqeeniiwós taa qasiís ala guruú fuquno kwa qasiisiiká, slám a tidá' /aaruusaaká, hee bar ngaa kwatiít, inós kwa meetagaás.

TLAHHOÓ LAÁWI 11:28

Heé taa slasla/arees ar tuuaarí ngiwa gagaár, tlabaawós gin hhuunts nee inós kwaa meetagaás ay tsiindo, asma kuká' ki waak dirhunge.

TLAHHOÓ LAÁWI 11:40

Hee bar tuua gaa /aáy, tsitaywós ngu hhuuntsi, kwaa meetagaás ay tsiindo. Nee umuúqo heewo oo tuua gaa gagaar kwaa meetagaás ay tsiindo.

TLAHHOÓ LAÁWI 13:6

Kaahamusmoó Mungú heedaádá' bál faanqwe gway malé ar, axáy tiqtirós a tsiníhe, laqaá aa tsiyayaxát. Gawaá adoorihe kaahamusmoó Mungú kaangw gway oo' adór heewí kur hhoohhoó'. Gadaádá' a har deei kilós. Heedaádá' tsitaywós gway hhuunts, nee slaqwtós iri hhooeér.

TLAHHOÓ LAÁWI 14:46

Gawaá adoorihe hee bira dáh baraá do'dá' taa tseék, inós ku harmeetín ay tsiindo.

TLAHHOÓ LAÁWI 14:47

Umuúqo heé aa qaat, laqaá oo aa /ayin baraá do'dá' wa alé, harihhoóarós a tlabaawós gin hhuunts.

TLAHHOÓ LAÁWI 14:8

Aluuwo heedaádá' tlabaawós giri hhuunts, se'eengós guri deeqw, iri hamtlín, inós iri hhohhooúy. Adoorí bira hhooeér iri kii/ baraá xafi, ala i dahiiká baraá heéma ay deelo faanqw.

TLAHHOÓ LAÁWI 15:13

«Hhawaatuú malalaáhh bira hunguú/ gár kuwa hariím in dán deelo faanqw dír meetaawós nira faaki'iiká. Tlabaawós giri hhuunts, nee iri hamtlín ar ma'aá kutli, iri hhohhooúy.

TLAHHOÓ LAÁWI 15:15

Kaahamusmoó Mungú giri haniis, ar wák as ilahhooár tlakweema hingeesa, nee ar hatlá' as ilahhooár da/a. Kaahamusmoó Mungú heedaádá' guri haraki/isárí tleehh dír geeraá AAKOÓ MUNGÚ wa ale, as iwa malalaáhh.

TLAHHOÓ LAÁWI 15:5

Umuúqo heé qatanír heewí gaa qoo kwatiiti harihhoóarós a tlabaawós gin hhuunts, nee slaqwtós gari ma'ár hamaatl, nee inós i baraá meeta ay tsiindo.

TLAHHOÓ LAÁWI 16:26

Heedaádá' gurtuudá' gwaa huuw amór Asaseli geeraá kilae tlabaawós gin hhuunts, iri hamtlín, daqaní iri sangw dah baraá xafi.

TLAHHOÓ LAÁWI 16:28

Heedaádá' gi daá/ tlabaawós gin hhuunts nee iri hamtlín, daqaní iri sangw dah baraá xafi.»

TLAHHOÓ LAÁWI 17:15

«Heé yaamuloousmo laqaá hoomo oo gár aa kilós gwa' gaa /aay, laqaá ar taa gaás nee makiito'ór sla/a, gár kuwa hariím tlabaawós gin hhuunts, nee iri hamtlín, inós iri dah baraá meeta ay tsiindo. Aluuwo iri hhoohhooúy.

TLAHHOÓ LAÁWI 22:6

heedaádá' i baraá meeta ay tsiindo. I hariindaaká muruú /aymár hhohhó' nguwa /ayi, ay dír i hamtlin.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

FAARO 19:10

Nee heé da/arár sleerí gaa fiits aqo tlabaawós gin hhuunts, ala inós i baraá meeta ay tsiindo. Dakwí an dákw alhota, nee dakwí oo múk Israeli nee hoomár baraá ayaaín hoota.»

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 19:7

Alaá tihe, kaahamusmoó Mungú tlabaawós ngi hhuuntsi nee slaqwtós ngi hamaatli ar ma'aay, daqaní dahamaá baraá xafi gi aleesláy, inós i baraá meeta ay tsiindo.

FAARO 19:8

Heé sleedaádá' gaa daa/ sleeme tlabaawós ngi hhuuntsi ar ma'aay, nee i hamtlin ar ma'aay, ala inós sleeme i baraá meeta ay tsiindo.

FAARO 31:24

Bál faanqwe tlabaahúng in hhuntsá', daqaní kuungá' aga hhoohhouuré', daqaní ta datá' baraá xafi.»

Yohana 13:8

Petro iri oó', «Kuúng ya'aaeé' i baloó hamtlaká.» Yesu iri oó', «Án bar ya'aawók i hamaatlaaká, án nee kuúng alqaati i káhh.»

Tlehhema'aá ya/Abuuse 22:16

Slám mas dóts? Sihhiít tu baatisi, tlakweemaawók ki hamaatli umuú Aako ateeteek.› »

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.