TLAHHOÓ LAÁWI 10:9 - Biblía Axweesantá Hhohho' ar Mungú 2004

⁹ «Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.

TLAHHOÓ LAÁWI 10:9 Iomraidhean Croise

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

AXWEESANOÓ SAGALOOA 20:1

Difaái hee gun niqár eér, xufta hee gu tsimaahhír ar eér, nee heé muruuwí gu slaá' i sagalooár konká.

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ESEKIELI 44:21

Kaahamusmoó Mungú difaái mingiwa wáh, qoomár bir dah dír afeenidár baraá guruú do'.

HOSEA 4:11

Sli'ima nee difaáír qaren, nee difaáír /aben sagalooár muu gan hingeemís.

TLAHHOÓ LAÁWI 10:8

AAKOÓ MUNGÚ Aroni guri báy,

TLAHHOÓ LAÁWI 3:17

Kuungá' wahhna laqaá tseere ma baloó /ayaara', hara'ayaarí ka otá' baraá xwaylarhúng sleémeero umuúqo dír ta hota'a.»

FAARO 6:20

Aluuwo kaahamusmoó Mungú ilahhooarí gari gáwtí tlees as kawa haniisi dír AAKOÓ MUNGÚ. Muruuwí sleémeero hhohhó' oo kaahamusmoó Mungú dinkwa nee da/eewo, kudá' taa gáwtí tleés nee /aaramoó yaae, kudá' taa ilahhooár wa haniís. Alaá kaangwí sleémeerowo heedaádá' al'axweesani gaa oo' difaái ngiwa wahi i qoón.

FAARO 6:3

Heewí difaái mingiwa wáh, laqaá buura, difaáír qarqaar mingiwa wáh, laqaá tam ar ado gaala, mamaá sabiíbu mingiwa /aáy, kudá' naa hamaariye' laqaá tam kudá' kaaharen.

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 3:8

Alee/isuusér múk kríshaanáy sleeme masók a múk daharuú koóm. Inooín masók a múk axweesanay'ín warqaqawaaká, nee slám masók a múk xuufiitaaká. Slám inooín peésár loohír ganaa'aaká masók ka slaiiká.

1 Timoteo 5:23

Iimír hamí ma'aay kilooín mi wahaamaar, ala difaaír niina wahaameek as guruuwók kwisíng tiqaaqiím daqtá yaariire.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.