TLAHHOÓ LAÁWI 10:3 - Biblía Axweesantá Hhohho' ar Mungú 2004

³ Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 10:3 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 39:10

Na'ás, mawáng muxtaaro. Asma muxtár dabaawók iga afkú bohóngwí qás.

WARA'AMI 39:9

Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

WARA'AMI 93:5

AAKOÓ MUNGÚ kaahirók ar tsáp, nee Do'ók ku ló'wa hhoohhoó' ay alhhe'eesay wasle.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 19:22

Tam kaahamuusér Mungú, tidá' AAKOÓ MUNGÚ gu i tseewuwuw, gár kawa hariím tin ala hhoohhooés, bar adooriheeká án i i buúhh.»

TI'INAANGW 19:24

AAKOÓ MUNGÚ Mose guri báy, «Tláw aweér, daqaní Aroni ngur kí/ amor'eéní ale, ala kaahamuusér hatlá' dinkwa nee muko mindiwa daqayé' amor'eene, asma bar adooriheeká aníng i i buúhh.»

TI'INAANGW 30:30

Daqaní Aroni nee daaqaywose ki di/tisír ar iimbaláx as kiwa paratl as kahhó' inooín tawa kaahamuusér aníng i sagadiyuus.

ISAYA 39:8

Hesekia Isaya guri báy, «/Aymuusíng AAKOÓ MUNGÚ i kaahi i qón.» Asma ina baraá muunaáwósí oó', «Deelo sleémeero ar slafingw'eene wayda nee amohhooa i dayá'.»

ISAYA 49:3

Inós aníng iri báy, «Kuúng a sagadiyusmooeé', aá Israeli muu aníng i xirfayees as kuúng.»

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 40:46

Nee kutuwidá' /iikú ga/aw an kutuwír kaahamuusér Mungú, tidá' gadiyuus dír kitángw ilahhooár wa ale. Kaahamuuseerír Mungú ar guruú doó Sadoki, inooín kilooín an múk taa pa/aángwí haniís baraá tlahhoó Laáwiwo, iwa dír geeraá Aakoó MUNGÚ kakaya'.»

ESEKIELI 42:13

Heedaádá' aníng iri báy, «Kutuwaywí sleémeero ku ló'wa hhohhó'. Baraá kutuwaywihe kaahamuusér Mungú, tidá' darah dír geeraá AAKOÓ MUNGÚ, ilahhooadá' hhohho' gan /aa/ák, nee sluufaydá' hhohhó' sleeme. Diirí an dír ilahhooár balaangw kay qamaamin, nee ilahhooár tlakweema hingeesa nee ar dakuús fiitsa as didá' kawa hhoohhoó'.

TLAHHOÓ LAÁWI 21:15

As kahhó' inós na/iiwós mingiwa dabaá tlákwár áy. Aníng an AAKOÓ MUNGÚ kudá' inós gwa paraatl.»

TLAHHOÓ LAÁWI 21:17

«Aroni ku beer, baraá xwaylarók sleémeero heé xaslxaanslír koóm baraá slaqwtose i ya/aandaaká iwa tseewuy as anuú Munguúwós iwa ilahhooár muruú /aymár i haniisi.

TLAHHOÓ LAÁWI 21:21

Xwaylár kaahamusmo Aroni ar xaslxaanslír koom miwa tseewuúr as ilahhooár da/a ngiwa haniisiya' dír anuú AAKOÓ MUNGÚ, as adoodá' iwa xaslxaanslír kona'.

TLAHHOÓ LAÁWI 21:6

Inooín ki hhoohhoo' dír Munguúine, tam umuú Munguúín munguwa slasla/areesiyé'. Asma inooín an kudá' ilahhooár da/a ngi hanmiisá' dír AAKOÓ MUNGÚ tawa adór muruú /aymár Munguúín. Gawaá adoorihe inooín masók ki hhohho'.

TLAHHOÓ LAÁWI 21:8

Kaahamusmoó Mungú ku tsáhh adór tar heé taa paraátl, asma inós an heé ilahhooár muruú /ayma ngi hanmiís dir'eé', kaahamusmoó Mungú un tsáhh kuwa hhoohhoó', asma anuú AAKOÓ MUNGÚ, kudá' kuúng ugwa paraatl ti hhoohhoó'.

TLAHHOÓ LAÁWI 22:9

«Kaahamuusér Mungú gár kawa hariím a hara'ayar'eé' ngin oohiyá', as kahhó' tlakweema mingiwa tleehhiyé' nee kiri didá' hhoohhoóí tsuu/. Aníng a AAKOÓ MUNGÚ, kudá' inooín gaa paraatl.

TLAHHOÓ LAÁWI 8:35

Kuungá' an metá' dír afkú heémár Mungú deelo faanqw xweera nee tlaatla/aango, as tidá' AAKOÓ MUNGÚ naa hara'ayín kawa tlehhita', bara tsee/áy ti'ité' a qatlá'. Adoorí an adór aníng tira hara'ayín.»

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 20:12

Ala AAKOÓ MUNGÚ Mose nee Aroni giri báy, «Asma kuungá' aníng iga haratlinti'ii'iiká laqaá hhohhoaarir'eé' aga laqaandi'iiká dír geeraá múk Israeli sleémeero, daxta kuungá' mukwí u dahasa'aaká baraá yaamuudá' naa lo'ór wa /aáy ngiwa inooín i haniis.»

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Yohana 12:28

Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

Yohana 14:13

Nee umuúqo gár kuungá' ta fiririinda'a ar umuueé', án ngi tleéhh, as Baabá iwa xirfuuti ar baraá Garma.

DABE 32:51

Asma kuungá' tsaraawo ana inkihhimu waslesé' dir'eene baraá múk Israeliwo, qoomár tawa dír ma'aá Meriba, iisaapoó Kadeshi baraá xaanxoó Sini. Qoomaadae kuungá' hhohhoaarir'eé' laqaamaro ana harslaaqaté' dír múk Israeliwo.

2 Tesalonike 1:10

Adoorí in tleehharút deeloodá' ure, qoomár inós binda hardáh as inós kuwa diidi'iimisi nee mukós kudá' hhohhó', kuri xirfayemiis nee mukdá' sleémeero oo inós gwa haratlintii'. Kuungá' sleeme a deer baraadae, asma kuungá' lamabu'ungwrén una haratlintié'.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»

1 SAMUELI 6:20

Múk Bet-shemeshi tari oó', «Heé sihhtanór dír geeraá AAKOÓ MUNGÚ, Munguúwí hhoohhoó', ga aleesláw a heemá? Sandakmoowí amorqaá amá i xui, as kahhó' ayaarén nguwa geexay?»