TLAHHOÓ LAÁWI 10:2 - Biblía Axweesantá Hhohho' ar Mungú 2004

² AAKOÓ MUNGÚ asla gari kwaáhh amór daaqaydá', guri qororo'ós dír geeraawós i ale.

TLAHHOÓ LAÁWI 10:2 Iomraidhean Croise

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

1 WAAWITÁ 13:28

Aakoodá' iri tláy, tuuaadár heé Mungú gari baraá loohírí áy, diraangw nee daqwaywós i bihhaawós wa sihhimiitiya'. Diraangw tuuaadá' gaa /ayiiká tam daqwaydá' gwaa oohiká.

1 WAAWITÁ 18:38

AAKOÓ MUNGÚ asla gari gawaá doori wa /aytiís, ilahhooadár da/a gari /ák, migír guri /ák, tlaa/e nee teeriro giri paapa/ás, ma'aydaá baraá maparidá' gay náts sleeme.

2 WAAWITÁ 1:10

Eliya geeraharusmooduú slaqwaruusér mibeeri kooán guri báy, «Aníng bar heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asla niri gawaá doori wa /ét inósudá' dinkwa nee mukduú mibeeri kooán giri su'uunsú'.

2 WAAWITÁ 1:12

Eliya iri oó', «Aníng barnaxes a heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asltá Mungú iri gawaá doori wa /ét, inós dinkwa nee mukduú mibeeri kooane giri su'uunsú'.

1 QOM'I 13:10

AAKOÓ MUNGÚ iri buúhh, hamtidár kilae Usa gway gaás as sandakmoodá' nguwa kwatiít. Inós ina gwaá' didár kilá' ar geeraá Mungú.

1 QOM'I 15:13

Asma kuungá' qoomaadár geeraawo ugwa gagadi'iiká, AAKOÓ MUNGÚ, Munguúrén, atén tina muúx, asma ugwa amohhe'eesaniiká ar adoodá' inós taa báy.»

1 QOM'I 24:2

Ala Nadabu nee Abihu nina qatliyé' geeraá baabuúín iwa gwaaiiká, nee na/aá naa geexayé' i kahhiyá', gawaá adoorihe Eleasari nee Itamari kay kaahamuusér Mungú wa qaás.

YOBU 1:16

Qoomár sagadiyusmoodá' kaangwí ooaro nguwa hhe'eesiiká, oo hatlá' nina hardáh, iri oó', «Doori nina huuiyé', sagadiyuuse nee bee/aango ngiri qororo'oosiyé', aníng kilooeé' nina /úw, as kaangwí nguwa ooár aw.»

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

TLAHHOÓ LAÁWI 10:5

Naagáy tindari hardáh, tuaá hhaeeín kiri gagaár ar inqwaruuín tsee/aá xafi, adoodá' Mose ngira oó'.

TLAHHOÓ LAÁWI 16:1

AAKOÓ MUNGÚ Mose guna i axweés, alaá daaqoó tsár oo Aroni iwa qaátl, qoomár nguwa ilahhooárí haniisiyé' ar loohír qoomaaká.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

FAARO 14:37

Mukdá' kángw tlákw gwa kah daanduú yaamuudae kiri dír geeraá AAKOÓ MUNGÚ i tsuú/ nee pu/i.

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

FAARO 16:49

Faarór múk aa qaatl baldae a kume mibaá nee tsiyáhh nee tsiire faanqw, kudá' naa qatliye' as dee/anuú Kora kaa dír kuká' i harafariiká.

FAARO 26:61

Ala Nadabu nee Abihu tana qaátl qoomár asltá hhoohhooeeká kawa daá/ dír AAKOÓ MUNGÚ.

Tlehhema'aá ya/Abuuse 5:10

Hamtidár kilá' iri hú' dír ya'aá Petro, iri gwá'. Daaqaydá' niwa dáh, naxés kawa ár aa gwá', kari gagaár tsee/áy alé, kari foól dinkwa nee hhawaatuuwós.

Tlehhema'aá ya/Abuuse 5:5

Anania /aymi'iiká' ngiwa axaás, iri yaamií huú', iri gwaá'. Muu sleémeero oo adoodá' gaa axaamiis, daér yaariir guri eér.

1 Korinto 10:11

Muruuwí ina tleehharuút as tawa slaqsaay, nee kuri gooín as atén tiwa intsaahhatisi. Asma qoomaarí atén tay diriiaan a qoomár alhhe'eesoó yaamu.

1 SAMUELI 6:19

AAKOÓ MUNGÚ múk mibeeraá faanqw oo Bet-shemeshi guri tsuú/, asma nina harqaytsitiyé' baraá guruú sandakmooduú alqadór AAKOÓ MUNGÚ, muu sleémeero iri gurhaamuút, asma AAKOÓ MUNGÚ múk yaariír guna tsuú/.