TLAHHOÓ LAÁWI 1:9 - Biblía Axweesantá Hhohho' ar Mungú 2004

⁹ Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:9 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

1 QOM'I 6:34

garmoó Elkana, garmoó Yerohamu, garmoó Elieli, garmoó Toa,

2 QOM'I 4:6

Iimpedaá mibaangw awa hamtlo giri tleéhh, awa kooán kay qaás bihhaá /iya awa do'odá', awa kooán kay qaás bihhaá basa awa do'odá'. Kina qaás as muruuduú ilahhooár da/a/aangw kuwa baraadá' i hamtliti. Ala tlahhsadá' ur ar hamtlór kaahamuusér Mungú.

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 66:15

Aníng ilahhooár da/a ar wahhaar ngi haniís, nee ilahhooár gwaandaawér ta tsu/i, dinkwa nee hikwa nee aaraawo ngi haniís.

TI'INAANGW 12:9

Fu'unaydá' mikiwa /aáy /eetlo ale, laqaá mikiwa humín, ala a da/a kilós, iimír ságwaá tleemu ay ya'aawós nee xooslár guruuwo.

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

TI'INAANGW 29:25

Muruuwí ku dir'ín wa ar tleér ku dá/ gawaá kitángw ilahhooa dinkwa nee ilahhooadá' ta da/a/an as tawa slaahhareeraá aníng i sla'atimiisá'. Asma gaarí an ilahhooadá' ta hanmiisi dír AAKOÓ MUNGÚ ar loohirí kawa da/aa/an.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 40:38

Dír afeenidár tsee/aawo kutuwír hatlá' i deer ar taa doogiye' nee loohidá' naa /iíkwár dat. Kutuwirí ti ga/ayá' nee matla/aangw, diirí an dír makaydá' ta ilahhooár dá/tá wa hanmaamisi kiwa hamtlatliti.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:17

Inós tsir/idá' gan hhampi'i oh, ala ga tla/a feehhisiiká. Naagáy kaahamusmo gari daa/ gawaá kitángw ilahhooa gawaá migíruuduú baraá asltá gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.»

TLAHHOÓ LAÁWI 2:16

Kaahamusmoó Mungú ilahhooarír bu'úngw taa tuú' dinkwa nee mooyángw tsuú' gan bahh daa/ as tawa ilahhooár inslaslaangw. Gaarí an ilahhooár ta hanmiisi dír AAKOÓ MUNGÚ ar da/a/aangw.»

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:9

Kaahamusmo ilahhooasíng gan bahh taataahh tawa ilahhooár inslaslaangw nee gari daa/ gawaá kitángw ilahhooa, ilahhooarí ta da/aa/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 3:11

Naagáy kaahamusmoó Mungú gari daa/ gawaá kitángw ilahhooa, tawa adór muruú /aymár taa daá/ dír AAKOÓ MUNGÚ.

TLAHHOÓ LAÁWI 3:5

Daaqoó Aroni gari gawaá kitángw ilahhooárí daa/ dinkwa nee ilahhooadár da/a/aangw ar gawaá migírí dirii'. Gaarí an ilahhooár da/a ar slaahhareeriiwós AAKOÓ MUNGÚ ngu sla'atisá'.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 6:14

«Gaarí a dabér ilahhooár bu'uungw: Daaqoó Aroni gan haniis dír AAKOÓ MUNGÚ gawaá kitangwduú ilahhooa.

TLAHHOÓ LAÁWI 8:21

Alaá xooslár gura' nee ya'aawo hamaatlár ma'aaywo kiwa hhe'eés, Mose gwaanduudá' guri daá/ gawaá kitángw ilahhooa, adór ilahhooár da/a ar slaahhareeriiwós AAKOÓ MUNGÚ ngu sla'atamisá', Mose adoorí gana tleéhh ar adór AAKOÓ MUNGÚ ngura hara'ayín.

TLAHHOÓ LAÁWI 8:28

Mose muruudá' sleémeero guri baraá dabaaín wa taataáhh, guri daá/ gawaá kitángw ilahhooa dinkwa nee ilahhooár da/a. Gaarí an ilahhooár paraatla tidá' slaahhareeriiwós AAKOÓ MUNGÚ ngu sla'atimisá', tidá' ta hanmiisi ar asla.

TLAHHOÓ LAÁWI 9:14

Xooslár gura' nee ya'a' giri hamaátl, giri daá/ dinkwa nee ilahhooár da/a gawaá kitangwduú ilahhooa.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 28:7

Ilahhooár muruú wahaangw ar ta deelmooduú bee/ír alhaniisi, a liítár wák ar difaái. Ilahhooarír difaáír aa hamat aa tsipipi'ís didá' hhoohhoo' as anuú AAKOÓ MUNGÚ.

FAARO 28:8

Qoomár tsiindowo deelmoduú tsár un ilahhooár wa hanís dinkwa nee ilahhooár balaangw, nee ilahhooár muruú wahaangw adór tidár matlaatle. Ilahhooarí an dá/ ar asla tawa slaahhareeraá tsuuá' awa AAKOÓ MUNGÚ ngu sla'atamiisá'.

2 korinto 2:15

Asma atén a adór mooyángw tsuú' oo Kristo dír geeraá Munguhe, dír mukdá' ta ba/amiimisi, nee dír mukdá' qwaqwadiima.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

DABE 12:27

Kuungá' ilahhooár da/a an hanisá', fu'unaay nee tseereero gawaá kitangwduú ilahhooár AAKOÓ MUNGÚ, Munguúhúng kawa hanmaamisa'. Tseerér ilahhooár muruú ta tsu/i an tsipipi'isá' gawaá kitangwduú ilahhooár AAKOÓ MUNGÚ, Munguúhúng, ala i ya/aán kuungá' fu'unaydá' kiwa /aga'.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.