TLAHHOÓ LAÁWI 1:4 - Biblía Axweesantá Hhohho' ar Mungú 2004

⁴ Dakós guri qaas gawaá ságw makiito'oodár ilahhooár da/a. Adoosinge ilahhooadá' i ya/aán haraki/isaro.

TLAHHOÓ LAÁWI 1:4 Iomraidhean Croise

TI'INAANGW 28:38

Aroni parereehhamtí ngin gawaá gitse/aawósí qaas, nee gawaá parereehhamtihe lo'odu nee tlakweema sleémeero awa xoorór Israeli naa tleehhiyé', qoomár niwa ilahhooár hhohhó' hanmisiya', ngin gagaar, aníng ilahhooadá' ngari ya/aám.

TI'INAANGW 29:10

«Daqaní tsa/atamoodá' ngu húp dír heémár Mungú as Aroni nee daaqaywós dabaaín ngiwa qaasiya' gawaá ságw tsa/atamoowí.

TI'INAANGW 29:15

«Gwaanduú wák baraá gwaandaaweedá' tsare taatahheek, daqaní Aroni nee daaqaywose ki ádbeér dabaaín ngiwa qaasiya' gawaá sagós i ale.

TI'INAANGW 29:19

Kuúng gwaanduduú hatlá' ku léhh, daqaní Aroni nee daaqaywós dabaaín ngi gawaá ságw gwaandudií qaasiye'.

TI'INAANGW 29:33

Inooín muruudá' sleémeero kira paraátl nee kira baraá gadiyeédí qaás ngu /ayiye', ala heé hatlá' mingiwa /aáy, asma kaa paraátl as AAKOÓ MUNGÚ.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ESEKIELI 45:15

Bee/ír wák kan haniis dír umuú daqtá bee/ángw tsiire tsare dír múk Israeliwo. Ilahhooár balaangw barka huúw, ilahhooár da/a nee ar wayda as haraki/isa kawa tleehhi. Anuú Aakoó MUNGÚ tí aga oó'.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 16:21

Aroni dabaawós giri qaas gawaá ságw gurtuudá' slaáf, tlakweema nee dakumisuú xoorór Israeliwo giri gawaá gurtuudií hhu'uu'ún, as gurtuudá' ngiwa gagaari. Naagáy gurtuudá' gway geemáy baraá xaanxaay, kway haniis dír heé taa amohhe'eés.

TLAHHOÓ LAÁWI 16:24

Iri didá' hhoohhoó' wa hamtlín nee tlabaawós giri dahaas, iri ti'iit, ilahhooarós ar da/a gari haniis, nee ilahhooár da/a ar múk Israeli, as haraki/isa ngiwa tleehhi as inós nee as muu sleémeero.

TLAHHOÓ LAÁWI 22:21

Hee tam gaalá bar ilahhooár muruú ta tsu/i ngi hanmiis dír AAKOÓ MUNGÚ, ilahhooár wayda as al'axweesantós ngiwa boo/eesi, laqaá ilahhooár muunuú sla'aari, baraá daqtós tidá' i de'ena, as kuwa ya/an, masók an makiito'ór hhoohhoo' ar xaslxaanslír koomaaká.

TLAHHOÓ LAÁWI 22:27

«Awu, laqaá gwaanda, laqaá gurta oo taa laqwaál in dír aayorós wa du'ún deelo faanqw, ala iimír bál dakaate i ya/án tawa ilahhooár ta da/i ar asla dír AAKOÓ MUNGÚ.

TLAHHOÓ LAÁWI 3:13

Dakók un qás gawaá ságw makiito'oodá', ka gás dír geeraá heémár Mungú, nee daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 4:15

Bariisér múk Israeli dabaaín kiri qaas gawaá ságw awuudá' niiná, naagáy kuri gaas dír geeraá AAKOÓ MUNGÚ.

TLAHHOÓ LAÁWI 4:20

Adoodá' ngira tleéhh dír awuuduú ilahhooár tlakweema hingeesa, an adoodá' i tleehhi dír awuuwihe sleeme. Kaahamusmo haraki/isa gan tleehh as inooín, inooín kiri gurtláy.

TLAHHOÓ LAÁWI 4:24

Dabaawós ngi qaasi gawaá ságw gurtuudá' nee ngu gaasi didá' muruú ilahhooár da/a kuwa tsu/aa/in dír geeraá AAKOÓ MUNGÚ. Gaarí an ilahhooár tlakweema kir hingeesi.

TLAHHOÓ LAÁWI 4:26

Wahhna sleémeero ar gurtuudá' gan daa/ gawaá kitángw ilahhooa, adór wahhnár gár taa ilahhooár waydú wa gaás ka /imaamisi. Gawaá adoorihe kaahamusmo haraki/isa gan tleehh as geeraharusmoodá', inós kway gurtláy.

TLAHHOÓ LAÁWI 4:29

Dakós ngu qaasi gawaá ságw leeír ilahhooár tlakweema hingeesa, nee gari gaas didá' muruú ilahhooár da/a/aangw kuwa tsu/aa/in.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 4:33

Dakós ngu qaasi gawaá ságw dareemirír bee/i ar ilahhooár tlakweema hingeesa. Ngi gaasi didá' muruú ilahhooár da/a/aangw kuwa tsu/aa/in.

TLAHHOÓ LAÁWI 4:35

Naagáy wahhna sleémeero gari hingees adór tidár bee/ír taa ilahhooár waydú wa gaás ka /imaamisi. Kaahamusmo gari daa/ gawaá kitángw ilahhooa dinkwa nee ilahhooár ta da/aa/an ar ta hanmiisi dír AAKOÓ MUNGÚ. Kaahamusmo haraki/isa gan tleehh as tlakweemaá heewí as tlakweemaadá' aa tleéhh, inós kuri gurtláy.»

TLAHHOÓ LAÁWI 4:4

Inós awuuwí niiná ngu huwi dír afkú heémár Mungú, dír geeraá AAKOÓ MUNGÚ, dakós ngu qaasi gawaá ságw awuudá', daqaní awuudá' ngu gaasi dír geeraá AAKOÓ MUNGÚ.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 6:7

Kaahamusmoó Mungú haraki/isa gari tleehh as daanduú heedá' aa dakuus dír geeraá AAKOÓ MUNGUHE, heewí kuri gurtláy baraá muruudá' iwa dakuusi.»

TLAHHOÓ LAÁWI 8:14

Mose awuuduú ilahhooár tlakweema hingeesa nguri huúw, Aroni nee daaqaywós kuri saga dabií qaás.

TLAHHOÓ LAÁWI 8:18

Mose gwaanduú ilahhooár da/a ngway huúw, Aroni nee daaqaywós dabaaín kiri qaás gawaá ságw gwaanduudá'.

TLAHHOÓ LAÁWI 8:22

Naagáy Mose gwaanduuduú tsár ngway huúw as Aroni nee daaqaywós kiwa paraatli. Inooín dabaaín ngiri qaasiye' gawaá ságw gwaanduudá'.

TLAHHOÓ LAÁWI 9:7

Naagáy Mose Aroni guri báy, «Kitángw ilahhooa i tseewuweek, as ilahhooarók ar tlakweema hingeesa nee as ilahhooár da/ato kawa hanis, nee haraki/isa tleehheek as kuúng nee as xoorór Israeli. Kuúng ilahhooár muu haniiseek nee haraki/isa tleehheek as inooín, adoodá' AAKOÓ MUNGÚ ngira hara'ayín.»

FAARO 15:25

Kaahamusmoó Mungú haraki/isa gan tleehh as daanduú dinku'uuma sleémeero ar Israeli, inooín kiri gurtláy as dakuúsadá' ar pa/aayo, nee ilahhooar'ín ngi huwiye', ilahhooár ta da/i dír AAKOÓ MUNGÚ, nee ilahhooár tlakweema hingeesa as daanduú dakuúsadá'.

FAARO 15:28

Kaahamusmoó Mungú haraki/isa gan tleehh dír geeraá AAKOÓ MUNGÚ wa ale, as daanduú heewí dakuúsár pa/aayo gaa tleehh, nee inós ku gurtláy.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 8:10

Qoomár múk Laáwi burngwa dír geeraaeé' húp, múk Israeli daqaní dabaaín ki qaasi gawaá múk tlahhoó Laáwi,

FAARO 8:12

Naagáy múk Laáwi dabaaín ngi qaasiye' gawaá sagér aweedá', awu wák oo ilahhooár tlakweema hingeesa, nee awu hatlá' oo ilahhooár da/a, as múk Laáwi kuwa haraki/isár i tleehhi.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 3:25

Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Ebrania 10:4

Asma tseerér awe nee ar gurtaawe tlakweema hingeesaro gi baloó aleesleeraaká.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.