TLAHHOÓ LAÁWI 1:3 - Biblía Axweesantá Hhohho' ar Mungú 2004

³ «Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 1:3 Iomraidhean Croise

IIMU/UUNGW 22:13

Abrahamu iri qaytsiít, naxes gwaanda i dír aluuwós, kwa xareemi óh nee xwaansláy. Abrahamu gwaanduú aáng guri óh, guri ilahhooár da/tá wa haniís kitángw garmaawós wa ale.

IIMU/UUNGW 22:2

Mungú iri oó', «Garmaawók kwisíng oo kilós, nee oo kuúng ta ló'wa sla', Isaka, ar tlawang ay baraá yaamaá Moria. Daqaní kuúng ngu ilahhooár da/tá wa hanís gawaá tloomár aníng ni kuúngí laqaam.»

IIMU/UUNGW 22:8

Abrahamu iri oó', «Garmaaeé', Mungú inósuú kilá' deelmoó bee/i oo ta ilahhooár da/tá wa hanisaan ngu sláy.» Naagáy inooín tsaraawo tari kumiít geerií alé.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

2 QOM'I 29:32

Ilahhooár da/a dinkwaaro ar tinda huúw a awe mibeeri faanqw, nee gwaandaawe tsiiruú wák, nee deeloó bee/aangw a tsiire tsár. Muruuwí sleémeero a ilahhooár da/a/aangw ar taa haniís dír AAKOÓ MUNGÚ.

2 QOM'I 35:12

Inooín ilahhooár da/a kari partliít ar adoodá' maraá baaba'aá múk hatlá' ii dirii'iyá', as ngiwa AAKOÓ MUNGÚ i haniisiya' ar adoodá' kara gooín baraá kitaábuú Mosewo. Tam awe sleeme kana adoorí /iís.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

TI'INAANGW 29:4

«Daqaní Aroni nee daaqaywose ki húp ay dír afkú heémár Mungú, ki hamátl ar ma'aay.

TI'INAANGW 29:42

Ilahhooasír da/a/aangw umuú daqto kan hanmiis baraá qari sleémeero ar hi'iita geeraá afkú heémár Mungú, didá' aníng nee kuungá' ti dogitaan nee niwa amorhúng i axwees.

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

TI'INAANGW 35:21

Tindiri hardáh umuúqo heewo oo muunaáwós i tliwii/in, nee umuúqo heewo oo qeeruuwós taa sla'atís, inooín ohme kingiri huúw amór AAKOÓ MUNGÚ as gadiyér heémadár Mungú nee as sagadiyuusi'iimarós, nee as tlabaadá' hhohho'.

TI'INAANGW 35:29

Múk Israeli sleémeero, hhawaate nee /ameenaaro kudá' muner'ín aa qwala/ as gaa ngiwa AAKOÓ MUNGÚ i haniisi, umuúqo heé muunaáwós taa sla'atís, muruuwós guri huúw ar muunuú /awaák as adoodá' AAKOÓ MUNGÚ Mose ngwa bay kawa tleehhi.

TI'INAANGW 35:5

Ohmér ni hanisa' dír AAKOÓ MUNGÚ ngin baraá daqaari'iimarhúng wa duxá'. Umuúqo heé muunuú sla'aari gu koóm, gár i haniisi dír AAKOÓ MUNGÚ ngi huwi. Ohmér ni hanisa' a tí: Sahaábu nee muqslár peésa, nee muqslár sirda/aten,

TI'INAANGW 36:3

Inooín ohmeedá' sleémeero ngiri ilaoohiyé' dír Mose wa alé, ohmeerí an tidá' tinda duúx nee múk Israeli ar sla'aari as gadiyér didá' hhoohhoo'. Aluudae muu ina kumiít ohme huwahubuwo, umuúqo looár tlawa adoorí ngina tleehhiyé' ar muunuú sla'aari.

TI'INAANGW 38:1

Aluuwo kitángw ilahhooár da/a/aangw guri tleéhh ar masqaryaán, tlenaangós badu sleémeero i alqoná', tlenaangós a miíta tsár nee gár niina, tlenángw bihheero a miíta tsár nee gár niina, tlenángw gawa a miíta wak nee gár niina.

ISAYA 1:11

AAKOÓ MUNGÚ i kaahi, «Ilahhooár yaariir ar muruú ta tsu/i garós a milá? Aníng aga hhe'eés ilahhooár da/a/aangw ar gwaandaawe, nee di/tá makaá na wahhaaditi'i, Aníng tseerér awe, laqaá ar deeloó bee/aangw, laqaá ar gurtaawe i sla'atamiská.

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 40:39

Baraá matla/aango meesadaá tsár kaa qaás bihhaá wák, nee awa hatlá' awa tsár kaa qaás bihhaá hatlá'. Gawaá meesaduukae makaydaá muruuduú ilahhooár da/a/aangw nee ar tlakweema hingeesa nee ar dakuús fiitsa kun gawaadá' wa tsu/aa/ín.

TLAHHOÓ LAÁWI 1:10

«Barnaxes hee ilahhooarós ar da/a ga haniisár wa slaa' baraá daqtós ar bee/aangw laqaá ar aara, ilahhooár gwaanda, laqaá gurta oo xaslxaanslír koomaaká ngu haniisi.

TLAHHOÓ LAÁWI 14:10

«Bál dakaate deelmoó gwaanda oo xaslxaansli wásl, nee dareemír kurkú wák ar xaslxaansli wasl, nee kílo tám ar puuruú natsaatsaá' oo taa dí/tí aleedoók, as ilahhooár bu'uungw, dinkwa nee di/tá niina ar tlaqtá liíta gaa eeriiká ngiri huuw.

TLAHHOÓ LAÁWI 16:7

Naagáy gurtaaweedá' tsár gari qaas dír geeraá AAKOÓ MUNGÚ dír afkú heémár Mungú.

TLAHHOÓ LAÁWI 17:4

kitángw ngiwa huwi dír afkú heémár Mungú didá' hhoohhoo' as ngiwa AAKOÓ MUNGÚ i haniisi, heedaádá' i dakuúsár kón ar tseere ngiwa ku'uús, nee inós kun baynitis dír xooroorós ar Israeliro.

TLAHHOÓ LAÁWI 17:8

«Inooín ki beer, heé xoorór Israeli, laqaá hoomoó baraá tla/angw'ín wa hoót oo ilahhooár da/tá hanimiís, laqaá tam ilahhooár muruú ta tsu/i,

TLAHHOÓ LAÁWI 17:9

ala ngwa huwiiká dír geeraá heémár Mungú as nguwa gaasi dír AAKOÓ MUNGÚ, heewí aqo kun baynitis dír mukós oo Israeliro.

TLAHHOÓ LAÁWI 23:12

Baalaasíng ufeedá' ngiwa hanisa' dír anuú AAKOÓ MUNGÚ, ilahhooár da/a ar deelmoó gwaanda oo xaslxaansli wásl, oo kurkú wák, ngun hanisá' sleeme.

TLAHHOÓ LAÁWI 23:18

Dinkwa nee tihe deeloó faanqw oo bee/aangw oo kurkú wák oo xaslxaanslír koomaaká un haniisa', nee awuú batlitmo oo wák, nee gwaandaawe tsár. Makaysingá' an ilahhooár da/a dinkwa nee ilahhooár bu'uungw nee ilahhooár wahaangw. Slaahhareeraá ilahhooarí anuú AAKOÓ MUNGÚ iri sla'atisiyá'.

TLAHHOÓ LAÁWI 3:1

«Barnaxes hee ilahhooarós ar wayda ar muruú ta tsu/i ga haniisár wa slaa', nee ilahhooarós ar awu laqaá slee, gaasíng tindi huwi dír geeraá anuú AAKOÓ MUNGÚ masók ka xaslxaansli wasl.

TLAHHOÓ LAÁWI 4:15

Bariisér múk Israeli dabaaín kiri qaas gawaá ságw awuudá' niiná, naagáy kuri gaas dír geeraá AAKOÓ MUNGÚ.

TLAHHOÓ LAÁWI 4:23

Inós burkwa xu'utís tlakweemaawós kudae, inós gurtuú xaslxaansli wásl ngu haniisi, tawa ilahhooarós ar tlakweema hingeesa.

TLAHHOÓ LAÁWI 4:3

Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

TLAHHOÓ LAÁWI 4:32

«Bar hee gár naa huúw a bee/i as ilahhooár tlakweema hingeesa, ala masók gár ni huwi a dareemír bee/i ar xaslxaansli wasl.

TLAHHOÓ LAÁWI 5:15

«Barnaxes hee tlakweema gaa tleéhh ar adór aa haraxuiiká daanduú muruudá' hhohhó' ta AAKOÓ MUNGÚ i hanmiisi, inós gwaanduú xaslxaansli wásl ngu ilahhooár dakuús hingeesár wa haniisi. Kuúng tlaxór gwaandudá' an alqoomés nee tlaxór didá' hhoohhoo'. Tí an ilahhooár dakuús hingeesa.

TLAHHOÓ LAÁWI 5:18

Inós gwaanduú xaslxaansli wásl gun huuw dír kaahamusmo, oo alqoomá' nee kuduú ilahhooár dakuús hingeesa. Kaahamusmo haraki/isa gan tleehh as daanduú heewí as tlakweemaadá' aa tleéhh ar adór aa haraxuiiká, heewí kuri gurtláy.

TLAHHOÓ LAÁWI 6:2

«Barnaxes hee tlakweema gaa tleéhh dír AAKOÓ MUNGÚ ar inslaawmoowós nguwa al/aáy kángw peésaaro, laqaá gár tawa al'axweés, laqaá nguwa malguús, laqaá nguwa hara/uuntsín,

TLAHHOÓ LAÁWI 6:8

AAKOÓ MUNGÚ Mose guri báy,

TLAHHOÓ LAÁWI 7:16

«Ala bar sleedá' taa gaás ar ilahhooár al'axweesani, laqaá ar taa ilahhooár sla'aarír wa gaás, kan /aay baalaadár kilae, bartá aa met matloowose kan /aay.

TLAHHOÓ LAÁWI 8:18

Mose gwaanduú ilahhooár da/a ngway huúw, Aroni nee daaqaywós dabaaín kiri qaás gawaá ságw gwaanduudá'.

TLAHHOÓ LAÁWI 8:21

Alaá xooslár gura' nee ya'aawo hamaatlár ma'aaywo kiwa hhe'eés, Mose gwaanduudá' guri daá/ gawaá kitángw ilahhooa, adór ilahhooár da/a ar slaahhareeriiwós AAKOÓ MUNGÚ ngu sla'atamisá', Mose adoorí gana tleéhh ar adór AAKOÓ MUNGÚ ngura hara'ayín.

TLAHHOÓ LAÁWI 9:2

Mose Aroni guri báy, «Tsa/atamoó awu taataahheek, as ilahhooár tlakweema hingeesa, nee gwaanda as ilahhooár da/a, muruuwí masók ku xaslxaansli wásl. Daqaní ki hanís dír AAKOÓ MUNGÚ.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

FAARO 15:8

Gár ta ilahhooár wa hanmiis bar an awuú batlitamo as tawa ilahhooár da/a, laqaá ilahhooár muruú ta tsu/i as hee al'axweesantós ngiwa boo/eesi, laqaá as tawa ilahhooár wayda,

FAARO 19:2

«Gaarí an kaahi nee dabe tidá' anuú AAKOÓ MUNGÚ naa hara'ayiím. Kuungá' múk Israeli ádbawaak: Slér /ameeni ar daa/aat ar xaslxaansli wasl ngi slaye' ar taa isa taaqwantí tseegiiká as kawa ar gadiyuusi.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

FAARO 23:27

Aluuwo Balaki iri oó' dír Bala'amu, «Qwaláng, u huúw amór hatlá', dooqa Mungú i ya/án amoodae mukwí ku lu'ús as daanduueé'.»

FAARO 23:3

Bala'amu Balaki guri báy, «Sihhiít dír ilahhooarók tír da/a, án a tláw, doóqa aníng nee AAKOÓ MUNGÚ ti doogaán. Gár naaqo dir'eéní laqani án ngi oó'.» Naagáy Bala'amu kilós iri tsa/án gawaá ságw tlooma.

FAARO 23:30

Balaki adoodá' kwaa báy nee Bala'amu gari tleéhh, awu nee gwaanduwo giri haniís umuúqo dír kitángw ilahhooaro.

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 28:19

Ilahhooár da/a an hanisá' dír AAKOÓ MUNGÚ, awér tsár ar batlaay nee gwaanduú wák, nee deeloó faanqw oo gwaandaawe oo kurkú wák, sleémeero masók a muruú xaslxaansli wásl.

FAARO 28:31

Ilahhooarí an hanisá' dinkwa nee ilahhooar'ín ar muruú wahaangw. Dinkwa nee tihe ilahhooadár da/a nee ilahhooarós tidár muruú wahaango makawa máy. Makayká' masók ki xaslxaansli wasl.

FAARO 29:13

Ilahhooár da/a an hanisá' tawa slaahhareeraá tsuuá' awa AAKOÓ MUNGÚ ngu sla'atimiisá', muruú ta hanisa' a kwí: Awér batlaay mibaá nee tám, nee gwaandaawe tsár, nee deeloó gwaandaawe mibaá nee tsiyáhh oo kurkú wák. Sleémeero masók ki xaslxaansli wasl.

FAARO 29:2

Ilahhooár da/a an hanisá' tawa slaahhareeraá tsuuá' awa AAKOÓ MUNGÚ ngu sla'atamiisá'. Gár ta hanisa' a awuú wák oo batlitamo nee gwaanduú wák, nee deeloó gwaandaawe faanqw oo kurkú wák, kuká' sleémeero masók ki xaslxaansli wasl.

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Yohana 1:36

Yesu kuri ár iwa hi'iimiti. Yohane iri oó', «Ga/aawaak Deelmoó bee/i oo Mungú.»

Yohana 10:7

Yesu iri malé oó', «Án a kah, aníng an afkú doó bee/aangw.

Yohana 10:9

Aníng an afkú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.

Efeso 2:18

Asma baraá Kristowo ateéká' tsaraawo loohi ana slawaán ar Baabá kuwa i tseewuwaan ar baraá Qeeruú wák.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

DABE 12:27

Kuungá' ilahhooár da/a an hanisá', fu'unaay nee tseereero gawaá kitangwduú ilahhooár AAKOÓ MUNGÚ, Munguúhúng kawa hanmaamisa'. Tseerér ilahhooár muruú ta tsu/i an tsipipi'isá' gawaá kitangwduú ilahhooár AAKOÓ MUNGÚ, Munguúhúng, ala i ya/aán kuungá' fu'unaydá' kiwa /aga'.

DABE 15:21

Ala barnaxes sleesíng ka garkár wa /aár, laqaá toqoori, laqaá taampa, ma ilahhooár wa gaasaar dír AAKOÓ MUNGÚ, Munguúwók.

DABE 17:1

«Awuú toqoormo laqaá bee/ír toqoori mi ilahhooár wa tsu/aar dír AAKOÓ MUNGÚ, Munguúhúng, asma ilahhooár adoorí AAKOÓ MUNGÚ, Munguúhúng ga waak.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.