TLAHHOÓ LAÁWI 1:2 - Biblía Axweesantá Hhohho' ar Mungú 2004

² «Xoorór Israeli i axweeseek, ki beer, ‹Umuúqo heewo bar ilahhooarós ngi huuw baraá makaywós wa ale, ngi baraá daqtá hikwaá wa duuxi, laqaá baraá daqtá bee/aangós nee aaraawose.›

TLAHHOÓ LAÁWI 1:2 Iomraidhean Croise

IIMU/UUNGW 4:3

Alaá deelór hhaawaaká Kaini bu'úngw balaangw guna ilahhooár wa huúw amór AAKOÓ MUNGÚ.

IIMU/UUNGW 4:5

Ala AAKOÓ MUNGÚ kwa qwal/atisiiká nee Kaini, tam nee ilahhooarose. Kaini iri ló'wa buúhh, tam gitsee/aawós niri quyuuiyé'.

1 QOM'I 16:29

Umuudá' xiríf oo AAKOÓ MUNGÚ xirfayeemisaak, ilahhooa huwaak, dahé' baraá do'ós, AAKOÓ MUNGÚ sluufmisaak dirós tidá' hhoohhoó' wa ale.

ESRA 3:5

Nee alaá adoorihe tana kumiít ilahhooár da/a hanmisuuwo, nee ilahhooár da/a as slahhángw /abén birna ti'iít, nee as ilahhooár umuúqo deelór ur ar AAKOÓ MUNGÚ tidá' tinda oó'. Nee slám ilahhooár da/a kana haniís as umuúqo heewo oo AAKOÓ MUNGÚ ngwa ilahhooár sla'aarír i haniis.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

FAARO 5:15

naagáy hhawaata hareerós ngi huwi amór kaahamusmo nee ilahhooadá' ta slai adór puuruú angaánoó shayiíri ar gár wák baraá muruú mibaango, ala makawa dí/tí qaás, laqaá mooyángw tsuú', asma tawa ilahhooár balaangw ar hhawaata kudá' hareerós ga xurumiít. Ilahhooár ta haniisi as dakuús kawa tsaahhi.

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

Marko 7:11

Ala kuungá' a kata', ‹Hee baabuúwós laqaá aayo birnga báy, gadaádá' án tiwa hariím kuungá' i haniisaro daxta a Korbani, asma Korbani gídaabárós a gár taa Mungú i haniís.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 12:6

Atén aleesleemuú Qeeru oo dimbadimbé u koomaán, ar harqoomoó tsuuqaadá' Mungú naa atén i haniís. Gawaá adoorihe heé aleesleemu gu koóm oo ya/abtór amór Mungú daahh kawa alki/iiti amór múk i alé, inós ngi alki/iiti ar harqoomayduú haratlintaaoorós.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.