TLAHHOÓ LAÁWI 1:17 - Biblía Axweesantá Hhohho' ar Mungú 2004

¹⁷ Inós tsir/idá' gan hhampi'i oh, ala ga tla/a feehhisiiká. Naagáy kaahamusmo gari daa/ gawaá kitángw ilahhooa gawaá migíruuduú baraá asltá gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.»

TLAHHOÓ LAÁWI 1:17 Iomraidhean Croise

IIMU/UUNGW 15:10

Abramu muruudá' sleémeero guri sláy, guri feehhamiís, kaeemi tsár tsár. Umuúqo ka'amiiro gari qaás, gari gura' amór tiqá' xu'ús. Ala aqo har tsir/o gana feehhamisiiká.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 3:5

Daaqoó Aroni gari gawaá kitángw ilahhooárí daa/ dinkwa nee ilahhooadár da/a/aangw ar gawaá migírí dirii'. Gaarí an ilahhooár da/a ar slaahhareeriiwós AAKOÓ MUNGÚ ngu sla'atisá'.

TLAHHOÓ LAÁWI 5:8

Kari huuw dír kaahamusmo, ar wák gari ilahhooár tlakweema hingeesár wa haniis, gan tawo isa /uutl ala ga saga tu/iiká.

TLAHHOÓ LAÁWI 6:14

«Gaarí a dabér ilahhooár bu'uungw: Daaqoó Aroni gan haniis dír AAKOÓ MUNGÚ gawaá kitangwduú ilahhooa.

TLAHHOÓ LAÁWI 8:21

Alaá xooslár gura' nee ya'aawo hamaatlár ma'aaywo kiwa hhe'eés, Mose gwaanduudá' guri daá/ gawaá kitángw ilahhooa, adór ilahhooár da/a ar slaahhareeriiwós AAKOÓ MUNGÚ ngu sla'atamisá', Mose adoorí gana tleéhh ar adór AAKOÓ MUNGÚ ngura hara'ayín.

TLAHHOÓ LAÁWI 9:13

Naagáy kuri ilahhooár dá/átí huúw ar fu'unaá taa supín nee saga, inós giri daá/ gawaá kitángw ilahhooa.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

FAARO 28:8

Qoomár tsiindowo deelmoduú tsár un ilahhooár wa hanís dinkwa nee ilahhooár balaangw, nee ilahhooár muruú wahaangw adór tidár matlaatle. Ilahhooarí an dá/ ar asla tawa slaahhareeraá tsuuá' awa AAKOÓ MUNGÚ ngu sla'atamiisá'.

Matayo 27:50

Yesu iri malé tseé' ar afór ur, iri tsatiít.

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Rumi 4:25

Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.