TLAHHOÓ LAÁWI 1:1 - Biblía Axweesantá Hhohho' ar Mungú 2004

¹ AAKOÓ MUNGÚ Mose guna ateét, iri amór Mose axweés baraá heémár Mungú wa ale, guri báy,

TLAHHOÓ LAÁWI 1:1 Iomraidhean Croise

2 WAAWITÁ 16:13

Ilahhooár da/a gari haniís, nee ilahhooár puuruhe. Ilahhooár muruú wahaangw gari tsipipi'iís, nee tseereedár ilahhooár wayda gari hikimiís gawaá kitangwdá'.

2 QOM'I 29:32

Ilahhooár da/a dinkwaaro ar tinda huúw a awe mibeeri faanqw, nee gwaandaawe tsiiruú wák, nee deeloó bee/aangw a tsiire tsár. Muruuwí sleémeero a ilahhooár da/a/aangw ar taa haniís dír AAKOÓ MUNGÚ.

TI'INAANGW 19:3

Mose iri tsa/án gawaá tlooma amór Mungú. Gawaá tloomaro AAKOÓ MUNGÚ Mose guri ateét, guri báy, «Xwaylár Yakobo, inooínadaá múk Israeli ki beer,

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

TI'INAANGW 29:42

Ilahhooasír da/a/aangw umuú daqto kan hanmiis baraá qari sleémeero ar hi'iita geeraá afkú heémár Mungú, didá' aníng nee kuungá' ti dogitaan nee niwa amorhúng i axwees.

TI'INAANGW 3:4

Qoomár AAKOÓ MUNGÚ ngiwa ár Mose i amór kitikiintidá' i tseewuwúy, Mungú guri ateét baraá tla/ángw kitikiintidá' wa alé, i kaahi, «Móse, Móse!» Mose iri oó', «Aníng a diirí.»

TI'INAANGW 33:7

Mose alhotaariro heémaadá' hhoohhoo' gana kikií' amorqá' saáw i ale dír xafaywo. Umuú heémaadá' guri báy a Heémár Mungú. Nee umuúqo heewo oo axweesantá koóm nee AAKOÓ MUNGÚ in amoodá' i hardah, didá' saaw dír xafaywo.

TI'INAANGW 39:32

Gawaá adoorihe gadiyeé sleémeero ar heémár Mungú iri hhooeér, xoorór Israeli adoodá' sleémeero AAKOÓ MUNGÚ Mose ngwa báy kari tleéhh.

TI'INAANGW 40:29

Kitángw ilahhooár da/a/aangw gari qaás dír afkú heémadár Mungú, ilahhooár da/a gari gawaadá' wa haniís nee ilahhooár balaango, ar adoodá' AAKOÓ MUNGÚ Mose ngura ádbáy.

TLAHHOÓ LAÁWI 7:38

AAKOÓ MUNGÚ Mose guna hara'ayaárí haniís gawaá tloomár Sinaír wa ale, baalaadá' Mungú xoorór Israeli ngiwa ádbáy ilahhooar'ín ngiwa huwiya' baraá xaanxoó Sinai.

TLAHHOÓ LAÁWI 9:16

Ilahhooár da/a gari huúw dír geera, gari haniís ar adoodá' kara hara'yín.

FAARO 1:1

Bál slahhángw tsár tawa wak oo kurkú tsár iimír múk Israeli tindiwa baraá yaamaá Misri wa ti'iít, AAKOÓ MUNGÚ ina axweés dír Mose baraá heémadár Mungú wa ale, baraá xaanxoó Sinai, iwa kaahi,

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

DABE 27:6

Kuungá' kitángw ilahhooár AAKOÓ MUNGÚ, Munguúhúng kudá' ta tlehha' masók aqo un tlehhá' ar tlaa/aá taa dakwiiká. Daqaní gawaá kitaangwihe AAKOÓ MUNGÚ, Munguúhúng ilahhooár da/a ti hanmise'.