Tito 3:13 - Biblía Axweesantá Hhohho' ar Mungú 2004

¹³ Sena, kudá' hara'aya gaa soomuus, nee Apolo alee/iiseek ar ilakaaharu baraá aaii'ine, matawa gaa /aarúy.

Ya/abtór hho' 1977

¹³ Sena, kudá' hara'ayár xuú', nee Apolo alee/iiseek ar ilakaaharu baraá aaii'ine, matawa gaa /aarúy.

Tito 3:13 Iomraidhean Croise

Matayo 22:35

Oo wák baraá tla/angw'ine a intsaahhatusmoó hara'ayár Mose, inós Yesu guri yaahaás ar iiara, guri báy,

Luka 10:25

Aluuwo intsaahhatusmooko hara'ayár Mose ina sihhiít, Yesu guri yaahaás ar iiara, iri oó', «Intsaahhatusámo, adór ni laaq a adoomá ar slafíngw alhhe'eesay wásl ngur aal?»

Luka 11:45

Heé wák baraá intsaahhatuusér hara'ayár Mosewo Yesu guri báy, «Intsaahhatusámo, gawaá axweesanaysíng ta kata, kuúng baré atén sleeme tin tsi'imís.»

Luka 11:52

«Kuungá' intsaahhatuusér hara'ayár Mose, a tsaxwaahúng, asma kuungá' gweermór xu'utír mura' aga hayoté', ala kuungá' kilá' muruudá' ugwa gaárií xui'iiká kuwa xua', slám mukdá' muruudá' xu'utír wa slaá' ugwa ila/é'.»

Luka 14:3

Yesu intsaahhatuusér hara'ayár Mose nee múk Farisayo giri báy, «Hungu/umisuú muu ku hhoóe deelór Sabaátoro, laqaá ku hhooeeká?»

Luka 7:30

Ala múk Farisayo nee intsaahhatuusér hara'ayár Mose sla'aaridár Mungú daanduuine kana sií', asma inooín baatiísmoó Yohane kwa ya/aniká.

Tlehhema'aá ya/Abuuse 15:3

Mukwí kuri haydohiís nee múk kríshaanáy. Tari waaraáhh ar tla/ángw yaamaá Foinike nee Samaria, kángw múk xoordaá hatlá' adór ira hhu'u'ún kuri alki/iít, hhae sleémeero niri ló'wa qwalaa/iyé'.

Tlehhema'aá ya/Abuuse 18:24

Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Tlehhema'aá ya/Abuuse 28:10

Inooín atén tiri ilaiwawa/iyé'. Qoomár tleemuurén iwa xáy, tiri muruú yaariír i hanmiís oo taqo sla'aana.

Rumi 15:24

Gawaá adoorihe hamí aníng ni dirhúng ar waaraáhh, qoomár án bar yaamaá Spaniár káw. Asma aníng gár ni slaa' a kuungá' nun ár baraá aaiieene, as aníng niwa qwalalaa/ dinkwa nee kuungá' har qoomár niinawe. Nee slám a haraxuú' kuungá' aníng i alee/isá' niwa kumiit baraá aaiieene.

1 Korinto 16:11

Gawaá adoorihe hee tumu wák inós munguwa waaqaá'. Alee/iisaak iwa kumiiti baraá aaiiwose ar wayda, as niwa hardihi amor'eé' ale. Asma aníng nee hhae inós un daamaaramaán.

1 Korinto 16:12

Ala daanduú hhiyaarén Apolowo, aníng inós una ló'wa harhheehhe'eés, as niwa amorhúng kay dinkwa nee hhaeedaá hatlá'. Ala inós gaa slaiiká niwa daqay hamihe. Ala pa/aangw burngwa sláy, ni amorhúngií hardah.