Tito 3:11 - Biblía Axweesantá Hhohho' ar Mungú 2004

¹¹ Asma kuúng a xú' heé adoosíng a heé aa hhitiruut. I tlakweemaá tlehhiit, nee slám gi xuu'.

Ya/abtór hho' 1977

¹¹ Asma a xú' gídaabá heé adoosíng a heé aa hhitiruut. I tlakweemaá tlehhiit, nee slám gi xuu'.

Tito 3:11 Iomraidhean Croise

Luka 19:22

Aakoodá' iri oó', ‹Kuúng a lawaalmoó tlaákw. Aníng kuúng u sakwasleemuút ar /aymi'iiwók kwisingá'. Ala kuúng bar xú' aníng a /akusmo, nee an leehhihhiím didaádá' gaa ngiwa qaasiiká, slám a bu'uúm didaádá' niwa dahaasiimiiká,

Luka 7:30

Ala múk Farisayo nee intsaahhatuusér hara'ayár Mose sla'aaridár Mungú daanduuine kana sií', asma inooín baatiísmoó Yohane kwa ya/aniká.

Yohana 3:18

«Heé Garma gwa haratlintii' ku sakwasleemuutiiká. Ala heé Garma gwa haratlintii'iiká, kwa hhe'eés sakwasleemaro, asma Garmaaduú kilós oo Mungú gwa haratlintii'iiká.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 15:24

Atén aga axaasaán adór, mukko amoorén daáhh kuungá' nura daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

Tlehhema'aá ya/Abuuse 23:25

Barwá gari adoorír gooín,

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

2 Timoteo 2:14

Mukók inslawtiseek muruuwihe, naanaqeek dír geeraá Mungú wa ale, axweesanoó tlaampa'aamis kuwa may. Asma tlaampa'aamis ku gaa wásl, slám mukdá' axamiís gu qwaarees.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Tito 1:14

nee tiitár múk Yahudi makawa iiárií qamín, laqaá hara'ayár mukdá' looeema gaa sii' makawa eeharahár.

Ebrania 10:26

Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.