Tito 3:1 - Biblía Axweesantá Hhohho' ar Mungú 2004

¹ Muu inslawtiseek iwa ilaiwa/amér kon dír geeraá múk aleesleemuú kooma, nee dír geeraharuuseero, nee ta iialooeesi nee ti amohhe'eesiye' umuúqo gadiyér hhoe.

Ya/abtór hho' 1977

¹ Muu inslawtiseek iwa ilaiwa/amér kon dír geerá múk aleesleemuú kooma, nee kudá' /uuruú kooma'a, nee ta iialooeesi nee tiwa amohhe'eesiya' umuúqo gadiyér hhooe.

Tito 3:1 Iomraidhean Croise

AXWEESANOÓ SAGALOOA 24:21

Garmaaeé', AAKOÓ MUNGÚ nee waawutmoowo ilaiwawa/eek, mukdá' amoowásl mu aleealuusaar.

DAHARUSMO 10:4

Waawutmo bar kuúng ugwa i buúhh, didá' tay dir'a ma tlawaar, asma axweesantá fur'ár tsá' buhhtaá yaariir gi hingés.

ISAYA 43:26

Aníng inslawtisaré', qwalaasé' a dinkwár wa axweesaán, sakwasleemarhúng kaahare', as kahhó' tunduwa tsaahhi adór múk ganaá'.

YEREMIA 27:17

Inooín mi iiárií qamiimara'. Waawutmoó Babuloni sagadiyuusaak daqaní kuungá' a hotá'. Ahaá waáy, gár gixsarí kas taangu tleehhi?

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

1 Timoteo 2:2

Waawitá aleefiriirimaak nee kudá' aleesleemuú koomá' sleémeero, as atén tawa hootaan ar slafíngw amohhooa nee oo wayda, Mungú kuwa haratlintatiaan nee tawa hootaan ar adoodá' hariim.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

2 Timoteo 1:6

Gawaá adoorihe aníng kuúng u inslawtís aleesleemuuduú Qeeru oo baraawók i dirií' dukeek i doogin, kudá' Mungú naa dirók i haniís qoomár aníng kuúng uwa dakw'eénií qaás.

2 Timoteo 2:14

Mukók inslawtiseek muruuwihe, naanaqeek dír geeraá Mungú wa ale, axweesanoó tlaampa'aamis kuwa may. Asma tlaampa'aamis ku gaa wásl, slám mukdá' axamiís gu qwaarees.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Tito 3:14

Nee mukrén sleeme gár kuwa hariím masók a tlehhema'aá hho' tleehhtuuwo kin intsaahh didaádá' kiwa hariím, as matawa tawó hoót baraá slafingw'ine.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

2 Petro 1:12

Gawaá adoorihe, aníng gár ni slaa' a kuungá' nun inslawtimís daanduú muruuwihe umuúqo daqto, ala tam kuungá' muruuwí ugwa xui'i, nee tam aga gawduuri'i baraá looeemaadá' taa ilaoti'i.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.