Tito 2:2 - Biblía Axweesantá Hhohho' ar Mungú 2004

² Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Ya/abtór hho' 1977

² Bariisér aa uraareer ka beer, ar tunduwa hariím masók an danqamisuú koondá', nee masók a múk ilaiwa/amér koóm, nee sagaalooa. Nee slám masók a múk aa uraaray baraá haratlintaaooro, nee baraá sla'aariro, nee tam baraá qiqitliingo.

Tito 2:2 Iomraidhean Croise

YOBU 12:12

Sagalooa i dír bariise, xu'uti i dír múk kureeraá yaariir gaa /aay.

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

AXWEESANOÓ SAGALOOA 16:31

Al/awtani a slamángw xirif, barnaxes hee gana sláy ar hotaá ganaa'á'.

ISAYA 65:20

Gwa'arár na/oó qawri i baloó ki/ká. Laqaá bariise sleeme i qatlká qoomar'ín bira xeeriiká. Heé kureeraá tsiiruú wák bira gwaá' adoorihe an na/aay. Ala heé tlaákw oo kureeraá tsiiruú wák gaa ay kwaa lu'ús

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

Marko 5:15

Tari amór Yesú ii daqáy, heedaádá' geeraawo neetlaame aa eér kuri ár, aa iwiít, i tlabaawós kón, nee fuquraangose. Inós an kudaádá' geeraawo daqtadá' koóm. Tari da'ayuút.

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 Korinto 9:25

Umuúqo heewo oo qwaátl baraá neetooro, aqo tin ilaa/ baraá umuúqo gaaro. Mukwí adoorí gan tlehhiit as slamangwdá' hhitiruút kuwa slay. Ala atén adoorí an tlehhiitaán as slamángw hhitiruutaaká kuwa slawaan.

2 korinto 5:13

Atén barnaxes aga slarhhamuutaán, ana slarhhamuutaán as Mungú. Laqaá barnaxes fuquraangw u koomaán, fuqurangwrén u koomaán as kuungá'.

Galatia 5:23

nee tsaeema, nee harqoomaay. Gawaá daanduú muruú adór kwihe hara'aya i káhh.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Tesalonike 5:6

Gawaá adoorihe atén gár tiwa hariím masók an guanaaká adoodár múk hatlá' sleémeero wa ale, ala masók an dalaa'aán nee múk qoomoó koóm.

1 Tesalonike 5:8

Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 3:4

Inós masók a heé do'ós gu ló'wa sageesihhimiít, oo na/iiwós gi adór hariímár hara'ayiyiím baraá umuúqo gaaro.

1 Timoteo 3:8

Alee/isuusér múk kríshaanáy sleeme masók a múk daharuú koóm. Inooín masók a múk axweesanay'ín warqaqawaaká, nee slám masók a múk xuufiitaaká. Slám inooín peésár loohír ganaa'aaká masók ka slaiiká.

1 Timoteo 5:1

Aakoó úr mu iigahhamiitaar, ala gurbueek adór baabár alé, nee masoomba adór hhaeewók ar alé.

Tito 1:13

Tí aarusmoowí aa oó' ar ló'. Gawaá adoorihe, kuúng inooín iigahhaateek ló'wa ale ar xaraasleema, as inooín niwa kwa/iya' baraá haratlintaaooro,

Tito 1:8

Ala inós masók a heé múk dahi'imís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

Filemoni 1:9

Ala án kuúng u firiím adoorí kawa tlehh ar sla'aari. Anuú Paulo a aako, nee slám a baraá tsegma as Kristo.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

2 Petro 1:6

nee baraá xu'utirhunge harqoomaay doogaak, nee baraá haraqoomayhunge qiqtliingw doogaak, nee baraá qiqtlingwhunge ilaíwa/amér Mungú doogaak,