Tito 2:14 - Biblía Axweesantá Hhohho' ar Mungú 2004

¹⁴ Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ya/abtór hho' 1977

¹⁴ Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee atén tawa mukós kudá' tlehhema'aá hhohho' ngi tlehhiitá' ar ilakaaharu.

Tito 2:14 Iomraidhean Croise

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

WARA'AMI 130:8

Inós múk Israeli gu ba/amis, baraá tlakweemaaín sleémeerowo.

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

TLAHHOÓ LAÁWI 25:41

Kurkusinge gár tuwa hariím un geemeér as iwa ki/i amór mukós nee amór aalír bariiseerós, geemaweek dinkwa nee múk do'ose.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Yohana 10:15

Adoorí an adór Baabá aníng ir xui, nee adór aníng Baabá ngur xuu'. Aníng slafingw'eé' un duúx as daanduú bee/aangw.

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Tlehhema'aá ya/Abuuse 15:14

Simeon ngaa alki/iít dirén i alé adór Mungú iimír iimu/uungo múk xoordu ngura sa daawimiít, as mukko nguwa tsawaár baraá tla/angw'ine as tawa mukós.

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 26:18

Nee AAKOÓ MUNGÚ laarí ooaro gaa gwa/atís adór kuungá' tar mukós oo kilá' adoodá' ngira oó', nee kuungá' gár tunduwa hariím a hara'ayaarós sleémeero an otá'.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

1 Timoteo 2:10

Ala parootir'ín masók an tlehhema'aá hho'. Asma adoorí an adór hariim dír /ameenár, Munguú ilaiwawa/a.

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 10:24

Atén masók ti kilootén ga/aawaán nee ti alee/iimisaán as tawa hootaan ar sla'aari nee ar tlehhema'aá hho'.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.