Tito 2:13 - Biblía Axweesantá Hhohho' ar Mungú 2004

¹³ qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ya/abtór hho' 1977

¹³ qoomár boo/emisuú haraxu'utirén kuwa daamaaramaan. Haraxu'uti an tí gídaabá Mungúrén oo úr nee Ba/amusmoorén Yesu Kristo nin hardah ar baraá xirif.

Tito 2:13 Iomraidhean Croise

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 26:64

Yesu iri oó', «Kuúng aga ó'. Ala án a kah, iimír hamí Garmoó Hee u aandá' aa iwiít dákw doó /iyáy oo kudá' aleesleemuú koóm, nee nay kii/ ar huunkoó doori.»

Marko 14:62

Yesu iri oó', «Aníng an inós. Kuungá' sleeme Garmoó Hee u aandá' aa iwiít dákw doó /iyáy oo /Uuru, ni kii/ ar huunkoó gawaá doori.»

Marko 8:38

Asma umuúqo heewo oo aníng i samurumiít, nee as axweesante'eé', baraá mukuú de'emaaká' oo fuquuse nee tlakuuseero, heé adoorí ku samuruut nee Garmoó Hee, qoomár Garmoó Hee birna hardáh ar xirfuú Baabuúwós dinkwa nee malaykér hhohho'.»

Tlehhema'aá ya/Abuuse 24:15

Aníng a haraxu'utír koóm dír Munguhe, ar múk hhó' nee oo tlakwe tawa waaslee/i. Haraxu'utirí inooín sleeme ngi koná'.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 8:18

Aníng slahha'amaayér qoomaarír hamí a gaárí fadiitaaká ta xirfuudá' tindi amoorén i geehhooeesi qoomaadae.

1 Korinto 1:7

Gawaá adoorihe aleesleemuú Qeeru oo aa /aaruy dirhunge i kaahh, qoomaarír Aakoorén Yesu Kristo kuwa daamaaraanda', as kuwa geehhooeesi.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Tito 3:4

Ala qoomár hhooeemaá Mungú Ba/amusmoorén kiwa geehhooeés, nee sla'aarirós,

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 4:14

Atén aga araán kay lamabu'uumaán adór, Baabá Garma ngura ya/aáw tawa Ba/amusmoó yaamu.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.